Almatyda qala kúni qarsańynda jýrnalıser men belsendi qoǵam ókilderiniń eńbekteri baǵalandy
Búgin respýblıkalyq Dostyq úıinde Óńirlik kommýnıkasálar qyzmeti jarıalaǵan baıqaý jeńimpazdary marapattaldy, dep habarlaıdy almaty-akshamy.kz
Esterińizge sala keteıik, bir aı buryn qalanyń damýyna erekshe úles qosqan qalalyq jáne respýblıkalyq BAQ ókilderi men belsendi qoǵam ókilderinen ótinishter qabyldaý bastalǵan bolatyn.
Maqsaty - Almaty qalasynyń damýy týraly úzdik jarıalanymdar, reportajdar, BAQ jáne áleýmettik jelilerdegi sújetter avtorlaryn, belsendi qoǵam qaıratkerlerin kótermeleý.
Ótinishti qoǵam qaıratkerleriniń ózderi, jýrnalıser, uıym basshylary nemese BAQ redaktorlary, sondaı-aq úmitker úshin bere aldy.
Tóreshiler kelesi nomınasıalar boıynsha 10 jeńimpazdy anyqtady:
1) Almaty týraly jazatyn úzdik jýrnalıs - Tańsholpan Begalykyzy, Baribar.kz
2) Almatynyń eń belsendi qoǵam qaıratkeri - Abdyhalykov Qaıyrjan Saıasatuly, Almaty qalasynyń Azamattyq Aláns tóraǵasy
3) Qalanyń eń belsendi qoǵamdyq uıymy - "Qamqor charity" qoǵamdyq qory
4) Úzdik almatylyq bloger - Dmıtrıı Baınazarov, Tık-Toker
5) Almaty týraly úzdik vıdeo avtory - Dosjan Balabekuly, «Qazaq gazetteri», jýrnalıs, fılosof.
6) Almatynyń eń belsendi jastar kóshbasshysy - Kaıryev Rýstam Abdýsalamovıch, «Qazaqstandaǵy Uıǵyr jastarynyń odaǵy» RQQ tóraǵasy
7) Almaty týraly úzdik telegram-kanal - Almaty Today
8) Úzdik almatylyq pablık – «Davaı sqodım»
9) Almaty ómirinen habardar etetin úzdik aqparattyq saıt - “Vechernıı Almaty” saıty
10) Almaty týraly úzdik YouTube/TikTok-kanal - “Almaty” telearnasy
Jeńimpazdar alma men qaýyrsyn túrindegi músinshelermen, sondaı-aq aqshalaı sertıfıkattarmen marapattaldy.