Ótken aıda 1 myńnan astam moped aıyp turaǵyna qoıyldy, dep habarlaıdy aqshamnews.kz
İİM-niń málimetinshe, 19-y men 21-shi shilde aralyǵynda mopedti basqarý tártibine qatysty jedel profılaktıkalyq is shara ótken. Onyń aıasynda moped júrgizýshileri arasynan 3 myńnan astam quqyq buzý deregi anyqtaldy.
Eske salaıyq, bıyl el aýmaǵynda 5 sáýirge deıin mopedterdi resmı tirkeý mindeti qoıyldy. Búginde tıisti zańǵa sáıkes tirkelgen mopedter sany 48 139-ǵa jetken.
Aıta ketý kerek, mopedterdi tirkeý úshin turǵylyqty jeri boıynsha mamandandyrylǵan halyqqa qyzmet kórsetý ortalyǵyna baryp, jeke basyn kýálandyratyn qujat pen mopedtiń tehnıkalyq qujatyn usyný kerek.