18,5 myń azamatqa tólem alǵash ret taǵaıyndaldy.
Jumysynan aırylyp qalǵan qazaqstandyqtar memleketten áleýmettik kómek aldy, dep habarlaıdy Almaty-akshamy.kz.
«2022 jylǵy 1 naýryzdaǵy jaǵdaı boıynsha, Memlekettik áleýmettik saqtandyrý qorynan jumysynan aıyrylýyna baılanysty áleýmettik tólem alýshylardyń sany 25,2 myń adamdy qurady. Bul rette osy jyly 18,5 myń azamatqa tólem alǵash ret taǵaıyndaldy», - delingen Ebekmıni baspasóz qyzmetiniń habarlamasynda.
Qoldanystaǵy zańnamaǵa sáıkes, jumystan bosatylǵan qyzmetkerler mindetti áleýmettik saqtandyrý júıesine qatysý ótiline jáne sońǵy 24 aıdaǵy tabysyna baılanysty 1 aıdan 6 aıǵa deıin jumysynan aıyrylýy boıynsha áleýmettik tólemder alady. Tólem joǵalǵan tabystyń 40%-na deıingi mólsherde MÁSQ qarajaty esebinen júzege asyrylady.
Jumystan bosatylǵan qyzmetkerge tólem taǵaıyndaý úshin:
- eGov.kz portalda avtorızasıalaný;
- «Jumysqa ornalastyrý jáne jumyspen qamtý» bóliminde «Jumys izdep júrgen adamdardy tirkeý» qyzmetin tańdaý;
- onlaın-qyzmetke tapsyrys berip, barlyq joldardy toltyrý jáne ESQ-men qol qoıý arqyly ótinimdi jiberý qajet;
- bir kún ishinde ótinish berýshiniń turǵylyqty jeri boıynsha jumyspen qamtý ortalyǵy (budan ári – HJQO) bos jumys oryndaryn usynady;
- eger jumys tabylmasa, 3 kún ishinde qashyqtyqtan jumyssyz mártebesi beriledi (qajet bolǵan jaǵdaıda qosymsha aqparat jınaý úshin ótinish berýshimen HJQO qyzmetkeri habarlasady).
Bul qyzmetti onlaın rejıminde Elektrondyq eńbek bırjasy (enbek.kz) arqyly da alýǵa bolady.
Jumyssyz retinde tirkelgeni týraly málimetter bolǵan kezde Eńbekmıniniń aqparattyq júıesi proaktıvti formatta MÁSQ-tan tólem taǵaıyndaý boıynsha qyzmet kórsetýge kelisim berý úshin uıaly telefonǵa SMS-habarlama jiberedi. Kelisken jaǵdaıda SMS-habarlamaǵa jaýap berý qajet. Tólem avtomatty túrde taǵaıyndalady.
Esterińizge sala keteıik, MÁSQ qarajaty esebinen jumysynan aıyrylǵan jaǵdaıda tólenetin áleýmettik tólem jumystan bosatylý sebepterine qaramastan júzege asyrylady jáne jumyssyz adam jumys izdep júrgen kezeńde ony qoldaýǵa arnalǵan.
Budan buryn habarlanǵandaı, QR Eńbek jáne halyqty áleýmettik qorǵaý mınıstrligi Elektrondyq eńbek bırjasy arqyly halyqty jumyspen qamtý ortalyqtarynyń qashyqtyqtan qyzmet kórsetý fýnksıonalyn iske qosty.
Bul jumyssyzdardy tirkeý jáne jumyspen qamtýdy qoldaý boıynsha memlekettik qyzmetterdi, onyń ishinde jumysynan aıyrylý boıynsha áleýmettik tólemderdi alý rásimderin jeńildetýge múmkindik berdi. Endi barlyǵyn tek ınternet, kompúter jáne elektrondyq sıfrlyq qoltańba arqyly ǵana jasaýǵa bolady.