Qazaqstanda jumyssyz júrgen jastar sany 72,2 myńdy qurady
Osy jyldyń úshinshi toqsanynyń qorytyndysyna sáıkes, elimizdegi jumyssyz jastar sany 72,2 myńdy qurady. Bul ótken jyldyń sáıkes kezeńimen salystyrǵanda 6,9%-ǵa az, dep habarlaıdy Almaty-akshamy.kz Inbusiness.kz silteme jasap.
Jumyssyz erler sany 28,1%-ǵa azaısa, al jumysy joq áıelder sany 10,9%-ǵa artqan.
Byltyrǵy statısıkaǵa kóz júgirtsek, 29 jasqa deıingi 77,5 myń adamnyń jumysy bolmaǵan. Olardyń sany úshinshi jyl qatarynan azaıyp otyr.
Respýblıka boıynsha jumyssyz jastardyń basym bóligi Almaty qalasynda turady (12,5 myń adam). Antılıderler úshtiginde Astana (7,8 myń adam) jáne Túrkistan oblysy (6,7 myń adam) bar. Al, eń tómen kórsetkish Ulytaý oblysynda tirkeldi(665 adam).
Jumyssyz júrgen jastardyń kóbi 1 aıdan 3 aıǵa deıin jumys izdedi (20,9 myń adam).
Bir aıdan az ýaqyt jumys izdegender sany 16,4 myń adamǵa deıin artty.
Budan bólek 18,5 myńy 3 aıdan 6 aıǵa deıin, 7,5 myńy jarty jyldan bir jylǵa deıin, al 8,8 myńy bir jyldan astam ýaqyt jumys izdedi.