Qazaqstan Respýblıkasynyń Prezıdenti Q. K. Toqaev 2025 jyldy «Jumysshy mamandyqtar jyly» dep jarıalap, tehnıkalyq jáne kásiptik bilim berý júıesin reformalaý qajettigin aıtty. Osy arqyly jumysshy mamandyqtarynyń qoǵamdaǵy bedelin kóterý, eńbek naryǵyndaǵy tapshylyqty joıý jáne jastardy eńbekqor, naǵyz maman bolýǵa tartý kózdelgen.
Qazaqstanda jumysshy mamandyqtary buryn-sońdy tómen baǵalanǵan edi, alaıda qazirgi tańda bul mamandyqtardyń mańyzy artyp, suranys ósýde. Tehnıkalyq jáne kásibı bilim berý júıesinde oń ózgerister baıqalyp otyr, ásirese ındýstrıa, avtomattandyrý jáne jasandy ıntellekttiń damýy bul mamandyqtardaǵy qajetti daǵdylar men talaptardy ózgertýde.
Almaty sán jáne qyzmet kórsetý salasy koleji qazirgi tańda dýaldy oqytý júıesine 100 paıyz kóshken elimizdegi aldyńǵy qatarly oqý oryndarynyń biri. Dýaldy oqytý júıesi bilim alýshylarǵa naqty óndiris jaǵdaılarynda jumys ornynda tájirıbe jınaqtaýǵa múmkindik beredi. Bul júıe boıynsha kolejde tórt mamandyq boıynsha bilim beriledi:
- Tigin óndirisi jáne kımiderdi modeldeý
- Kıim dızaıny
- Shashtaraz óneri
- Tamaqtandyrýdy uıymdastyrý
Dýaldy oqytý júıesiniń artyqshylyqtary:
- Joǵary jumysqa ornalasý kórsetkishi: Oqý barysynda óndiristik tájirıbe jınaqtaıtyn bilim alýshylar jumys berýshiniń talaptaryna saı bilikti mamanǵa aınalady.
- Psıhologıalyq daıyndyǵy joǵary mamandar: Óndiriste jumys istep, jańa ortaǵa beıimdelgen bilim alýshy óz mindetterin jaýapkershilikpen oryndaıdy.
- Teorıa men tájirıbeniń úılesimi: Teorıalyq bilim tek mátindermen shektelmeı, naqty óndiristik jaǵdaılar arqyly tájirıbe alynady.
- Jumys berýshiniń baǵasy: Óndiristik tájirıbe kezinde bilim alýshy óz biliktiligin jáne yntasyn kórsetedi.
- Zamanaýı bilim men daǵdylar: Bilim alýshylar óndiristegi sońǵy jańalyqtardy meńgerip, zamanaýı talaptarǵa saı bilikti maman bolyp shyǵady.
Dýaldy oqytý júıesi bilim alýshylarǵa kásibı daǵdylardy naqty óndiristik ortada úırenýge múmkindik beredi, bul olardyń eńbek naryǵyna daıyn bolýyna jol ashady. Almaty sán jáne qyzmet kórsetý salasy kolejiniń basty maqsaty – sapaly bilim berý arqyly elimizdiń bolashaǵy úshin bilimdi, bilikti jáne otan súıgish urpaqty tárbıeleý.