Elimizde 2025 jyl «Jumysshy mamandyqtar jyly» dep jarıalandy. Osy oraıda 2025 jyldyń 5-31 tamyz aralyǵynda Almaty mýzeıinde «Er dáýleti – eńbek» atty kórmesi ótedi, - dep habarlaıdy Aqshamnews.kz tilshisi.
Kórmeniń maqsaty – Qazaqstannyń jeńil jáne aýyr ónerkásibiniń tarıhyna sholý jasap, jumysshy mamandyqtarynyń mańyzyn kórsetý, sondaı-aq keleshek urpaqtyń kásiptik baǵdaryn qalyptastyrýǵa yqpal etý.
Kórme ekspozısıasyna Almaty qalasy tarıhy mýzeıi qorynan alynǵan, Almaty maqta-mata kombınaty (AHBK), Almaty úı qurylysy kombınaty (ADK), Jetisý aıaq-kıim fabrıkasy, Almaty keramıkalyq zaýyty, Almaty aýyr mashına jasaý zaýyty (AZTM), Tamaq ónerkásibi salasy: shaı, nan, kondıterlik ónimder Almaty galantereıa fabrıkasy, Almaty metropolıteniniń jáne basqa da ónerkásip salasynyń jumysshylarynyń jumys kıimderi, qural-saımandary, arhıvtik fotosýretteri, jumysshylardyń medaldary men marapattary jáne t.b. túpnusqa mýzeı jádigerleri kórermen nazaryna usynylady.
Ekspozısıa aıasynda jumysshy mamandyqtarynyń damý tarıhy, óndiris mádenıeti jáne eńbek adamynyń qoǵamdaǵy ornyna erekshe nazar aýdarylady. Bul kórme eńbekke degen qurmetti arttyryp, óndiristik murany baǵalaýǵa baǵyttalǵan mańyzdy mádenı shara.
Kórme tamyz aıynyń sońyna deıin jalǵasady.
Ótetin orny: Qabanbaı batyr kóshesi, 132
Saıt: https://almatymuseums.kz/
Instagram: @almatymuseums
Baılanys telefony: 8708 820 61 79