2023 jyldyń 1 naýryzynan bastap Qazaqstanda jumysqa jaldaý erejelerine ózgerister engizilgen edi, dep habarlaıdy Almaty-akshamy.kz BAQ.KZ-ke silteme jasap.
Ózgerister sybaılas jemqorlyqqa qarsy kúreske baǵyttalǵan bolatyn. Endi jumys berýshi úmitkerdiń sybaılas jemqorlyq qylmysyna qatysy bar-joǵyn anyqtaı alady. Mundaı aqparatty alý úshin kompanıalar Memlekettik quqyqtyq statısıkanyń quzyretti organyna júgine alady. Sondaı-aq "Elektrondyq úkimet" portalyn nemese HR digital servısin paıdalana alady.
Aıta keteıik, jumys berýshi sybaılas jemqorlyq qylmysy týraly derekterdi jáne jalpy basqa da aqparatty jumys izdenýshiniń jazbasha kelisimi bolǵan jaǵdaıda ǵana ala alady. Al jeke tulǵalar bul anyqtamany onlaın túrde eGov portalynan júktep alýyna bolady.
Eske sala keteıik, jumysqa turyp, eńbek shartyn jasaýǵa kelesi qujattar qajet:
- jeke kýálik nemese pasport (16 jasqa tolmaǵandar úshin týý týraly kýálik);
- azamattyǵy joq tulǵalar úshin turýǵa yqtıarhat nemese kýáligi (Qazaqstan aýmaǵynda turaqty turatyn sheteldikter men azamattyǵy joq adamdar úshin);
- tıisti bilimdi, biligi jáne daǵdyny talap etetin jumysqa ornalasýda eńbek shartyn jasasý kezinde bilimi, biliktiligi, arnaıy biliminiń nemese kásipti;
- daıarlyǵynyń bolýy týraly qujat;
- eńbek qyzmetin rastaıtyn qujat (eńbek ótili bar tulǵalar úshin);
- aldyn ala medısınalyq kýálandyrýdan ótkeni týraly qujat (med.anyqtama 086-Ý);
- Keıbir jaǵdaıda sottalmaǵandyǵy týraly anyqtama talap etilýi múmkin (ony onlaın alýǵa bolady).