Bıylǵy jyldyń qańtar-shilde aılarynda elde fermerler 2,6 mıllıard jumyrtqa aldy, bul ótken jyldyń sáıkes kezeńimen salystyrǵanda 10,3%-ǵa az, dep habarlaıdy aqshamnews.kz.
Elimiz boıynsha tizim basynda Aqmola oblysy tur. Bul óńirde - 404,6 mıllıon jumyrtqa óndirildi. Ótken jylmen salystyrǵanda 5,3%-ǵa az. Jumyrtqa óndirý jaǵynan alǵashqy úshtikke Qaraǵandy oblysy (375,4 mıllıon jumyrtqa, mınýs 5,4%) jáne Soltústik Qazaqstan oblysy (350,9 mıllıon jumyrtqa, mınýs 14,5%) kiredi.
Alynǵan jumyrtqalardyń basym bóligi qoǵamdyq tamaqtaný oryndary men saýda jelileri arqyly satylǵan - 1,9 mıllıard jumyrtqa. Óńdeý kásiporyndary arqyly 2,7 mıllıon jumyrtqa, al 10,9 mıllıon jumyrtqa eksportqa jóneltilgen. Óndiristik tutynýǵa 112,9 mıllıon jumyrtqa, al taǵamdyq maqsatta óńdeýge 7 mıllıon jumyrtqa jiberilgen.