Jumyrtqa – joǵary alergendi ónim.
Gastroenterolog Lúdmıla Sýhorýkova alergıasy bar adamdarǵa, sondaı-aq holesterınniń joǵary deńgeıine nemese asqazan-ishek joldarynyń qabynýy kezeńindegi pankreatıtpen aýyratyndarǵa jumyrtqa jeýden bas tartýdy usyndy, dep habarlaıdy aqshamnews.kz RIA Novostı-ge silteme jasap.
Maman jumyrtqanyń joǵary alergendi ónim ekenin atap ótti. Ásirese taýyq aqýyzynda alergıasy bar naýqastarǵa qarsy kórsetpe bar. Sonymen qatar, baýyr jáne ót aýrýlary bar adamdarǵa jumyrtqany abaılap jeý kerek. Sebebi sarysy ót bólýdi yntalandyryp, ót tastary aýrýynyń asqynýyn týyndatýy múmkin.
«Jumyrtqany holesterın deńgeıi joǵary adamdarǵa jeýge bolmaıdy. Sebebi onda holesterın bar. Degenmen ol lesıtınmen teńestirilgen. Deni saý adam úshin jumyrtqa negatıvti áser etpeıdi. Sebebi lesıtın holesterınniń tamyrlar qabyrǵalaryna jınalýyna jol bermeıdi. Alaıda naýqas adamǵa jumyrtqanyń sarysyn óte abaılap jeý qajet, -dedi dáriger.
Sondaı-aq Sýhorýkova qant dıabetimen aýyratyndarǵa da jumyrtqany abaılap jeýge keńes berdi. Sebebi olardyń tamyrlary ádette qanttan zaqymdalǵan. Sondyqtan aterosklerozdyń damý qaýpi aıtarlyqtaı joǵary.