Osy aptada Aýyl sharýashylyq mınıstri Avstralıaǵa saparlamaq.
Bul týraly mınıstr óziniń áleýmettik jelisinde málim etti, dep habarlaıdy almaty-akshamy.kz.
Kelesi aptada Avstralıaǵa saparym bar. Mal ósirýmen aınalysatyn sharýalar, sala mamandary, mal sharýashylyǵy damyǵan birneshe aımaqtyń basshylary delegasıaǵa kirdi. Sol jerdiń tájirıbesin zertteıtin bolamyz.
Avstralıa - shóleıtti el. Tabıǵı jaǵdaılar - keń aýmaq, shóleıtti zonasy aýqymdy, sý resýrstarynyń shekteýliligi. Avstralıanyń aýyl sharýashylyǵy salasynda 2022 jylǵy málimetter boıynsha el turǵyndarynyń 2,37%–y jumys istese, Qazaqstanda bul kórestkish - 5,6%. Desede, fermerlik qyzmettiń avtomattandyrý men mehanıkalandyrý deńgeıiniń arqasynda Avstralıa qoı men jún eksporty boıynsha álemde birinshi, sıyr eti boıynsha ekinshi orynda. Avstralıalyq aýyl sharýashylyǵy mehanıkalandyrý men avtomattandyrýdyń joǵary deńgeıimen erekshelenedi, al fermerleri álemdegi eń az sýbsıdıa alatyndardyń qatarynda.Qazaqstanda qoı eti boıynsha ishki qajettilik 107% qamtamasyz etilse, sıyr eti boıynsha - 102%. Qoı sharýashylyǵy men iri qara mal sharýashylyǵyn damytý áleýetin eskere otyryp, mal sharýashylyǵyn odan ári damytý tek et eksporty arqyly múmkin bolady. QHR men Reseıge salqyndatylǵan et eksportynyń naryqtaryn ashýǵa daıyndyq boıynsha úlken jumys atqaryldy. Biraq syrtqy naryqtarda shynymen básekege qabiletti bolý jáne qazaqstandyqtar úshin ishki naryqta sıyr etiniń qunyn tómendetý úshin bizge mal sharýashylyǵy salasyn ártaraptandyrý qajet.Bizde sheteldik naryqtarda tanymal, ári joǵary baǵalanatyn premıýmdy sapaly et óndiriledi. Biraq ony óndirýdiń quny óte joǵary. Bul rette qazaqstandyqtar shyǵyndardyń shamamen 17% etke jumsaıdy, bul basqa ónimdermen salystyrǵanda eń joǵary kórsetkish. AÓK salasyndaǵy memlekettik saıasattyń mindeti - elimizdiń turǵyndary kóp aqsha jumsaıtyn azyq-túlik óndirisin arzandatý. Etten basqa nan men jarma (8%), sút ónimderi (5%), kókónister (4%), jemister (4%), qant jáne kondıterlik ónimder (3,6%).
Memleket mal sharýashylyǵyndaǵy jáne agrarlyq memlekettik saıasattyń baǵyttaryna jaýap beretin, qazirgi zamanǵy standarttarymen damýǵa daıyn basqa da salalardaǵy jobalardy qoldaıtyn bolady. Avstralıaǵa saparymyz, barlyq qatysýshylar mal ósirýden bastap bırjada satýǵa deıingi barlyq mal sharýashylyǵy sıkliniń ǵylymı-praktıkalyq bazasymen jáne óndiris tehnologıalarymen tanysady, meniń oıymsha, bul fermerlerge durys sheshim qabyldaýǵa múmkindik beredi, dep jazdy mınıstr.