TOQTY
Toqty belgisinde týǵan jandar úshin qystyń sońǵy aıy belsendi bolady. Keler aptada Toqty ózin senimdirek sezinip, júregi tynyshtala túsedi. Jumys barysyndaǵy qarbalas azaıyp, barlyq isi júıeli júredi. Toqtynyń boıyndaǵy shynaıylyq, shydamdylyq onyń ishki kúıiniń turaqtanýyna kómektesedi. Juldyzdar Toqtyǵa osy aptada kópshilikten aýlaq bolýǵa, ımýnıtetti kúsheıtýge keńes beredi.
TORPAQ
Torpaq keler aptada táýekelge barýdan qoryqpaýy kerek. Qorqynyshty jeńý men boıdaǵy erkindik oǵan senimdilik beredi. Ol ótken-ketken qatelerin túzeýge tyryssa, kóp uzamaı qarjylyq máseleleri sheshilip, tabysqa jetedi. Súıikti adamymen qarym-qatynasta názik ári shydamdy bolǵan abzal. Densaýlyqty jaqsartý úshin dárýmender men mıkroelementter qabyldańyz.
EGİZDER
Egizderge keler aptada jańa dostar, isker seriktester jáne mahabbatyn kezdestirýge taptyrmaıtyn ýaqyt. Jalpy, aqpan aıy egizderge jańa tanystyq úshin qolaıly bolmaq. Qyzmette jaqsy jetistikterge jetýge degen múmkindik týady. Eń úlken jetistikke kásipkerler men ǵalymdar qol jetkizedi. Aldaǵy aptada ózińizdi keremet sezinesiz, biraq shamadan tys emosıonaldy bolmaýǵa tyrysyńyz.
SHAIAN
Shaıan belgisindegi jandardyń ishinde ádettegiden de kóp jaýapkershilikti moınyna alýǵa tyrysqandar jańa laýazymǵa ıe bolyp, qarjy men bedeldi nyǵaıtýy ábden múmkin. Al aınaladaǵy adamdarmen qarym-qatynas turǵysynan qatty úmit kútpeńiz. Kóńil kúı men densaýlyq jaqsarady, sondyqtan jattyǵýdy keste boıynsha emes, kóńil kóterý úshin jasańyz.
ARYSTAN
Kelesi aptada Arystannyń emosıonaldyq jaǵdaıy birqalypty bolady. Bul kúsh jınaýǵa jáne qysqy sıkldi tıimdi aıaqtaýǵa múmkindik beredi. Osy kezeńde arystan ózin-ózi taldaý arqyly túbegeıli ózgerister kezeńine ótýi múmkin, bul jumystyń, kásiptiń, romantıkalyq seriktiń jáne ómirlik josparlardyń ózgerýine ákeledi. Aıdyń tolýy pikirles adammen kezdesýge kómektesedi, mansap máselelerimen aqpannyń ekinshi jartysynda aınalysqan durys. Densaýlyq pen qarjy qıyndyq týdyrmaıdy. Belsendi, eńbekqor bolyńyz jáne bir qadam bolsa da artqa sheginbeńiz.
BIKESH
Keler aptada Bıkeshtiń ómirinde kóptegen qyzyqty adamdar jınalýy múmkin. Jumys barysynda kishigirim kıkiljińder, daýlar jáne básekelestik bolýy yqtımal. Muny konstrýktıvtik dıalog arqyly sheshýge bolady. Shydamdylyq tanytsańyz, qarjylyq turaqtylyqqa qol jetkizesiz. Aqpan aıynda densaýlyǵyńyzda kinárat bolmaıdy.
TARAZY
Tarazylardyń qarym-qatynastaǵy jaı-kúıi keler aptada narazylyqqa jáne belsendilikke toly bolady. Jaǵdaıdy ýshyqtyrmańyz, sabyrly bolyńyz. Tarazy juldyzynda týǵandardy bul kezeńde qarjy, qyzmet jáne kásipte sáttilik kútedi. Juldyzdar uzaq saparǵa shyǵýǵa keńes bermeıdi, biraq qala syrtynda demalýǵa bolady. Taza aýada serýendeý ımýndyq júıeni nyǵaıtady jáne ózin-ózi damytý úshin resýrs beredi.
SARYSHAIaN
Saryshaıandar úshin aqpannyń sońy oıyn-saýyq pen demalysqa arnalady. Jumys pen qarjy jaǵdaıy turaqtalady, ásirese qańtarda eńbek etkender úshin tabysty bolady. Saryshaıandardy mahabbat pen otbasy másele sinde jaǵymdy sátter kútip tur. Úıge qajetti zattar satyp alý josparyn ózgertý jáne balalardyń bolashaǵyna qatysty talas-tartys bolatyny ras. Mundaıda romantıkalyq kesh uıymdastyryńyz jáne bar máseleni sol sátte sheshińiz. Sýyq tıip qalmas úshin jáne qystyń sońyn jaqsy aıaqtaý úshin zimbir shaıy men dárýmender ishińiz.
MERGEN
Mergender aldaǵy aptada otbasynyń, seriginiń, jaqyn týystarynyń máselelerin sheshýge májbúr bolady. Bul júkti jalǵyz kótermes úshin, jaýapkershilikti bólisińiz. Mergender jumysyna bar yntasymen kirisedi. Nátıjesinde qarjylyq jaǵdaıy jaqsarady, mansap jolynda ósedi, áriptesteri men basshylyq tarapynan qurmetke ıe bolady. Súıispenshilik pen romantıkaǵa áli de kúsh-qýaty, qushtarlyǵy bar jandar mahabbatyn tabady.
TAÝESHKİ
Jalpy aqpan aıy Taýeshkiler úshin birqalypty ótedi. Tek mahabbat pen qarym-qatynas aınalasynda jalyn tutanýy múmkin. Boıdaqtar jan-tánimen ǵashyq bolady, al súıiktisi bar adamdar ıntrıgaǵa tap bolady. Er adamnyń súıiktisin tań qaldyrýǵa jasaǵan romantıkalyq áreketteri shyǵynǵa ushyratady, al Taýeshki belgisindegi áıelder syrtqy kelbetin jaqsartýǵa nazar aýdaryp, jumysty umytady. Aqylǵa qonymsyz dúnıelerdi jasaýdan aýlaq bolý kerek. Qarjyńyz ben densaýlyǵyńyzdy baqylaýǵa alyńyz.
SÝQUIǴYSH
Sýquıǵysh keler aptada qarjy, mansap jáne ózin-ózi damytý jaǵyn retke keltirýi kerek. Aqpan aıynyń sońynda osyǵan qatysty múmkindikter bolady. Keremet kóńil kúı, tabıǵı súıkimdilik jáne harızma aqsha men bedelge ıe bolýǵa kómektesedi. Basshylyqtyń senimi artady, balalarǵa jáne hobbımen aınalysýǵa ýaqyt tabylady.
BALYQTAR
Balyqtardyń ómirinde jańa maǵyna men maqsat paıda bolady. Eski dúnıeler ótkenniń enshisinde qalady, tabys kózi, múdde, syrtqy kelbet ózgeredi. Balyqtar ózgeriske bet burady, qarym-qatynasqa shynaıylyq syılańyz, serigińizge qysym jasamańyz. Demalyp, densaýlyǵyn jaqsartqysy keletin jandar monshaǵa, saýnaǵa jáne baseınge barýy kerek. Apta óte belsendi ótedi ári onyń nátıjesi bárin ózińiz jasaǵanyńyz úshin maqtaýǵa turarlyq bolady.
Ázirlegen Aınur SENBAEVA