Bul týraly Almaty qalalyq №16 emhananyń gınekologıa bólimshesiniń meńgerýshisi aıtyp berdi.
Qazaqstan Respýblıkasynyń turǵyndary arasynda tumaýdyń jáne basqa da jiti respıratorlyq vırýstyq ınfeksıalardyń taralýynyń aldyn alý maqsatynda 2023 jylǵy 1 qazannan bastap tumaýǵa qarsy ımmýndaý naýqany júrgizilýde, dep habarlaıdy Almaty-akshamy.kz.
«Júktilik vaksınasıaǵa qarsy kórsetkish bolyp tabylmaıdy. Júkti áıelder men bosanǵannan keıingi áıelder respıratorlyq ınfeksıalardyń qolaısyz aǵymy úshin joǵary qaýip tobyna kiredi, olardyń arasynda tumaý men JRVI keń taralǵan aýrýlar bolyp tabylady, kóbine júkti áıel men onyń ishindegi balasy úshin asqynýlardyń paıda bolý qaýpin týdyrady», - dep belgilep ótti gınekologıa bólimshesiniń meńgerýshisi Anna Vershınına.
Júkti áıelderdi tumaýǵa qarsy vaksınasıalaý Eýropa men Amerıkanyń kóptegen elderinde 20 jyldan astam ýaqyt boıy júrgizilip keledi, onyń ımmýnologıalyq tıimdiligi 70-85%-ǵa jetedi. Júkti áıelderdi tumaýǵa qarsy vaksınasıalaý kezinde, eń aldymen, áıel naýqas adammen epıdemıalyq baılanysta bolǵan jaǵdaıda ınfeksıany joıý nemese shekteý maqsaty qoıylady.
«Júkti áıelderge, ásirese júktilik epıdemıanyń maýsymdyq kezeńinde bolsa júktiliktiń 2-3 trımestrinen bastap tumaýǵa qarsy vaksınasıa jasaý usynylady», - dep atap ótti Anna Vershınına.
Ekpe salýdyń kelesideı mańyzdy sebepteri bar:
1. Júktilik kezinde ımýnıtet álsiregendikten, júkti áıeldiń tumaý juqtyrý qaýpi áldeqaıda joǵary bolady.
2. Tumaý juqtyrǵan jaǵdaıda júkti áıeldegi aýrýdyń aǵymy áldeqaıda kúrdeli jáne asqynýlarmen ótedi, sonyń ishinde júktilik tarapynan da qıyndyqtar bolýy múmkin.
3. Tumaýdyń aýyr túri júktiliktiń úzilýine, júktiliktiń toqtap qalýyna, merziminen buryn bosanýǵa, jatyr sýynyń kóbeıýine, uryqtyń jatyrishilik damýynyń kesheýildeýine, uryqtaǵy jatyrishilik pnevmonıaǵa ákelýi múmkin.
4.Júkti áıelderdi tumaýǵa qarsy ımmýndaý tek anany ǵana emes, bolashaq balany da qorǵaıdy. Júktilik kezinde ekpe salǵan júkti áıel tumaýǵa qarsy antıdenelerdi uryqqa plasenta arqyly jiberedi. Vaksınasıalanǵan anadan týylǵan bala kem degende 6 aı boıy tumaýdan qorǵalǵan bolady.
5. Júkti áıeldi tumaýǵa qarsy vaksınasıalaý uryq pen jańa týǵan náresteniń damýyna, laktasıa kezeńiniń uzaqtyǵyna, emshek sútiniń mólsheri men sapasyna áser etpeıtini kópjyldyq zertteýlermen dáleldengen.
Júktilik kezinde tumaýǵa qarsy vaksınasıalanǵan analardan týylǵan náresteler arasynda tumaýǵa qarsy antıdenelerdi anadan uryqqa pasıvti tasymaldaý arqyly ómirdiń alǵashqy 6 aıynda balalardyń tumaýmen aýyrý deńgeıi 50-63%-ǵa tómendegeni týraly derekter bar.
Júkti áıelderdi tumaýǵa qarsy ımmýndaýdyń kelesideı jalpy qarsy kórsetkishteri bar:
* taýyq jumyrtqasyna alergıa, antıbıotıkter;
* vaksınaǵa jeke tózbeýshilik;
* aldyńǵy vaksınasıaǵa alergıalyq reaksıa;
* júktiliktiń birinshi trımestri
* kataraldy qubylystardyń bolýy
«Tumaýǵa qarsy ýaqtyly ımmýndaý anany ǵana emes, náresteni de qorǵaýǵa kómektesedi jáne júktilikti josparlaıtyn júktiliktiń 2-3 trımestrinen bastap barlyq júkti áıelderge jáne bosanǵannan keıingi áıelderge usynylady. Esińizde bolsyn-aýrýdy emdeýden góri onyń aldyn alý áldeqaıda jeńilirek! Biz árqaısymyz óz densaýlyǵymyz úshin jáne balalarymyzdyń densaýlyǵy úshin jaýaptymyz»,- dep qorytyndylady Anna Vershınına.