Almaty polıseıleri aıyppuldy tóleý ýaqytyn keıinge qaldyrmaýǵa shaqyrady.
Polisia.kz-tiń málimetnshe, aıyppuldy óz erkimen tóleý – bul QR ÁQBtK-niń 893-babynda kózdelgen aıyppul salý týraly qaýlyny, aıyppuldy tóleý qajettigi týraly uıǵarymdy óz erkimen oryndaý, dep habarlaıdy Almaty-akshamy.kz.
«Almaty qalasynda avtomatty rejımde jumys isteıtin 766 “Sergek” avtomattandyrylǵan baǵdarlamalyq qamtamasyz etý júıesi ornatyldy, bul 5034 kamerany quraıdy. Olar jyldamdyqty asyrý, jol belgileri men tańbalaý talaptaryn buzý, baǵdarshamnyń tyıym salynǵan dabylyna júrý jáne qoǵamdyq kólikke arnalǵan jolaqpen júrý sıaqty ákimshilik quqyq buzýshylyqtardy tirkeıdi. Ákimshilik nusqaýlar ERAP óńdeý ortalyǵynyń derekter bazasynda qalyptasady, odan keıin kólik ıelerine sms-habarlama jiberiledi. Kólik ıeleri ákimshilik aıyppuldy 7 kún ishinde 50% jeńildikpen tóleıdi. Jeti kúnnen keıin aıyppul 100% somaǵa aýystyrylady jáne 30 kún ishinde erikti túrde tólenedi. QR ÁQBtK-niń 894-babyna sáıkes, 30 kúnnen keıin ákimshilik uıǵarym májbúrlep oryndatý úshin Jeke sot oryndaýshylar palatasyna joldanady», – dedi Almaty qalasy PD ÁPB-nyń ákimshilik tájirıbe bóliminiń aǵa ınspektory Samat Ábjaparov.
Polısıada Almaty qalasy aýmaǵynda boryshkerlerdi, sondaı-aq óz erkimen ákimshilik aıyppuldy ýaqtyly tólemegen adamdardy anyqtaý boıynsha turaqty negizde sharalar qabyldanyp jatqanyn atap ótti.