Bul týraly Ǵylym jáne joǵary bilim salasyndaǵy sapany qamtamasyz etý komıtetiniń tóraǵasy Gúlzat Kóbenova aıtty.
Endi ýnıversıtettiń jabylýyna quryltaıshy jaýap beredi, dep habarlaıdy Almaty-akshamy.kz
«Prezıdenttiń tapsyrmasyna sáıkes, salada «Taza paraqtan» atty jańa retteýshi saıasaty qoldanylady. Oǵan sáıkes, tekseriske jatatyn sýbektilerdiń tizimin adam anyqtamaıdy. Endi jumys (JOO-ny tekserý – avtor) avtomatty túrde júrgiziledi. Ár sýbektiniń óziniń aqparattyq júıesi bolýy kerek. Ol memlekettik organdardyń júıesine qosylady, al biz óz tarapymyzdan tıisti krıterıılerdi anyqtaımyz», - dedi Gúlzat Kóbenova.
Onyń aıtýynsha, Ǵylym jáne joǵary bilim mınıstrligi janynan jumys toby qurylǵan.
«Oǵan mınıstrliktiń de, joǵary oqý oryndarynyń da, bıznes ókilderiniń de, «Atameken» UKP-nyń da ókilderi kirdi. Búginde ol top jumysyn aıaqtap, barlyq normatıvtik quqyqtyq aktilerge revızıany anyqtady. Endi avtomattandyrý baǵyty boıynsha jumysty jalǵastyramyz (eger ýnıversıtet jabylsa – avtor). Zańǵa sáıkes, (JOO-nyń – avtor) quryltaıshysy stýdentterge eń aldymen jaýap beredi. Onyń jaýapkershiligi «Bilim týraly» zańǵa engizilgen tolyqtyrý arqyly naqtylandy. Eń aldymen, bul quryltaıshynyń jaýapkerligin kúsheıtýdi kózdeıdi», - dedi komıtet tóraǵasy.
Aıta keteıik, buǵan deıin Ǵylym jáne joǵary bilim mınıstri bıyl 15 ýnıversıtettiń tekseriletinin aıtqan edi.