Qazaqstanda 2037 jyldan bastap joǵary oqý oryndaryna grant bólinbeýi múmkin.
Joǵary bilim mınıstrligi arnaıy joba ázirledi. Barlyq ata-ana keleshek júıesi arqyly ár balaǵa aqsha jınaıdy, dep habarlaıdy Almaty-akshamy.kz Qazaqstan.tv-ǵa silteme jasap.
Alǵashqy tólem bala 5 jasqa tolǵanda jasalady. Mektep bitirgenshe aı saıyn 1-3 aılyq eseptik kórsetkish kóleminde aqsha salyp turý kerek. Al memleket tarapynan ol 200 myń teńgelik bastapqy jarnamen memlekettik syıaqy jáne ulttyq qor esebinen tolyqtyrylyp otyrady. Bala kámelet jasyna tolǵanda shamamen 6 mln 800 myń teńgege deıin aqsha jınaqtalady. Granttar keı jaǵdaıda UBT nátıjesine qaraı berilýi de múmkin.