Jańadan qurylǵan úsh oblys talapkerlerine grant bólý jalǵaspaq.
QR Ǵylym jáne joǵary bilim mınıstri Saıasat Nurbek bilim berýdi damytýdyń 2026 jylǵa deıingi tujyrymdamasyn tanystyrdy, dep habarlaıdy Almaty-akshamy.kz
«Ulttyq biryńǵaı testileý talapkerdiń oqý jetistikteri men áleýmettik jaǵdaıyn eskeretin kórsetkishter boıynsha jetildiriledi. Atalǵan tásil grant baǵasy júıesine (30%dan 100%-ǵa deıin) dıferensıasıa engizýde de qoldanylatyn bolady. Bilim alýshylarǵa 2-3 paıyzdyq jeńildetilgen nesıe alý múmkindikteri de josparlanyp otyr», - dedi mınıstr.
Vedomstvo basshysynyń aıtýynsha, tyǵyz qonystanǵan jáne jańadan qurylǵan úsh oblys talapkerlerine grant bólý jalǵaspaq.
Budan bólek, kadr daıarlaýdy aldyn ala boljaý modeline kóshý de qarastyrylýda.
«Bul forsaıttyq-boljaý negizinde óńir men ekonomıka salalaryna qajetti jańa kásipterge suranys pen kadr daıarlaý júıesin tıimdi ushtastyrý bolyp tabylady. Osy rette memleket pen bıznestiń, ýnıversıtetterdiń kúsh-jigeri biriktiriledi», - dedi ol.
Saıasat Nurbek «Jańa mamandyqtar atlasy» ázirlengenin de tilge tıek etti.
«Osy rette óńirlik standarttar ázirlenedi. Bul halyqtyń tabysyn arttyrýdyń 2025 jylǵa deıingi baǵdarlamasyna engen «Mamandyǵym – bolashaǵym» jobasyn júzege asyrýǵa múmkindik beredi», - dedi vedomstvo basshysy.