Saıasattanýshy Jomart Sımtıkov saılaý buǵan deıingi saıası naýqandardan ózgeshe ótkenin aıtty. Sebebi elimizdiń konstıtýsıalyq rejımine ózgeris enip, búletenderde «bárine qarsymyn» degen baǵan qosyldy. Bul pikirlerdiń áralýandyǵyn ári demokratıalyq prosestiń turaqty damýyn kórsetip otyr.
«Birinshiden, Qazaqstan halqynyń basyn biriktirdi. Ekinshiden, el Prezıdenti 7 jyldyq bolashaq strategıalyq baǵdarlamany daıyndaýǵa úlken yqpal etedi dep aıtýǵa bolady. Úshinshiden, bul demokratıalyq úrdistiń ǵalamdaný prosesteriniń kóshinen qalmaıtyndyǵyn kórsetti. Tórtinshiden, Qazaqstanda bolyp jatqan ózgeristerge halyqtyń basym kópshiligi qoldaý bildiretindigin kórsetti. Sondyqtan saılaý nátıjeli bolady dep oılaımyn. Elimizdegi bolashaq strategıalyq baǵdarlamalar saılaýdyń negizinde iske asady. Bul mandat senimdilik beredi jáne Qazaqstannyń damýyna múmkindik týǵyzady dep oılaımyn», – dedi saıasattaný ǵylymdarynyń doktory, profesor Jomart Sımtıkov.