Prezıdent Joldaýyna qatysty ún bildirýshilerdiń biriniń pikirin Almaty-akshamy.kz Assembly.kz-ke silteme jasap usynyp otyr.
Memleket basshysy Q.Toqaev altynshy shaqyrylymdaǵy Parlamenttiń 6-sessıasyna qatysyp, Qazaqstan halqyna arnaǵan kezekti Joldaýyn jarıalady.
Saıası qujatta Prezıdentimiz jahandyq pandemıa jaǵdaıynda aldyńǵy sapta tynymsyz eńbek etken mamandarǵa alǵys aıtty. Sondaı-aq basty mindettiń áleýmettik-ekonomıkalyq turaqtalyqty saqtaýǵa baǵyttalatynyn atap ótti.
Memleket basshysy Joldaýda «Ult jospary – bes ınstıtýsıonaldyq reformany» negizgi baǵdar etip, ustanýymyz qajettigine aıryqsha toqtaldy.
Qoǵamda kópten beri talqylanyp kele jatqan jerge baılanysty jerimizdiń sheteldikterge satylmaıtynyn málimdep, el Úkimetine aýyl sharýashylyǵy jerlerin tolyqqandy ekonomıkalyq aınalymǵa engizýdiń ózge ádis-tásilderin ázirleý boıynsha naqty tapsyrma berdi.
Memleket basshysy Qazaqstannyń ekonomıkalyq baǵyty 7 negizge súıený kerektigin meńzep, ekonomıka halyqtyń ál-aýqatyn jaqsartýǵa jumys isteýi tıistigine toqtaldy. Prezıdentiniń aıtýynsha, ıgilik pen mindetti teń bólý, jeke kásipkerliktiń jetekshi róli, jańa kásipkerlerge arnalǵan naryqty qalyptastyryp, ádil básekelestikke jaǵdaı jasaý – negizgi baǵyttar qatarynda bolmaq. Sonymen qatar, óndiristi arttyrý, kúrdeli ári tehnologıalyq ekonomıkaǵa ıek artý; adam kapıtalyn damytyp, ınvestısıa men bilimniń jańa túrin qalyptastyrý; ekonomıkany jasyldandyryp, qorshaǵan ortany qorǵaý; memlekettiń negizdelgen sheshimder qabyldap, qoǵam aldynda sol úshin jaýap berýin qamtamasyz etý – basymdyqtar qataryna kiredi.
Qoǵamda qordalanǵan túıtkildi jaıttar men olardyń sheshý joldary týraly aıtqan Prezıdentimiz barlyq saladaǵy túıinderdiń júıeli tarqalatynyn jetkizdi.
Q.K.Toqaev: «İshki jalpy ónimniń abstraktili ósimimen jurtty qýanta almaımyz. Halyqqa turaqty jumys oryndary, qolaıly jol, aýrýhanalar men mektepter, sapaly azyq-túlik kerek. Ekonomıkalyq reformalar azamattardyń tabysyn arttyryp, turmys sapasynyń joǵary standartyn qamtamasyz etkende ǵana ózin-ózi aqtap, qoldaýǵa ıe bolady. Osyny árdaıym este ustaýymyz qajet», dedi.
Endeshe, el turǵyndary Memleket basshysy mejelep bergen baǵytty nyq ustap, ekonomıkamyzdy jaqsartý jolynda jumylǵan judyryqtaı jınaqy jumys isteýimiz qajet. Ásirese, jeti ekonomıalyq negizge súıenip, senimdi áreket etkenimiz abzal.