Kólik qaǵyp ketken oqýshynyń ómiri qyrshynynan qıyldy
Almaty oblysynyń İle aýdanynda qaıǵyly oqıǵa oryn aldy. Segiz jasar oqýshyny kólik qaǵyp, ókinishke qaraı ol aýrýhanaǵa jetpeı kóz jumdy, dep habarlaıdy Almaty-akshamy.kz QazAqparat saıtyna silteme jasap.
«10 qyrkúıek kúni keshki saǵat 18:10 shamasynda İle aýdanynda 8 jastaǵy balany kólik qaǵyp ketti. Ol aýrýhanaǵa jetpeı kóz jumdy»,- dep pikir bildirdi Almaty oblystyq polısıa departamentiniń baspasóz qyzmetinen.
Vedomstvonyń aqparatyna sáıkes, qaıǵyly jaǵdaı «Qosózen-SHelekemer» jolynda bolǵan. Balany 23 jastaǵy «Toyota» kóliginiń júrgizýshisi qaǵyp ketken.
Qazir atalǵan fakt negizinde QR QK 345-baby 3-bóligi boıynsha sotqa deıingi tergeý bastaldy. Qajetti saraptamalar taǵaıyndalǵan.