Elimizge alǵashqy jolbarystar 2025 jyly ákelinbek
29 shilde – Halyqaralyq jolbarystar kúni. Osyǵan oraı, Ekologıa, geologıa jáne tabıǵı resýrstar mınıstrliginiń Qoǵammen baılanys departamentiniń dırektory Oljas Berkinbaıuly áleýmettik jelide jolbarystar jóninde derektermen bólisti, dep habarlaıdy Almaty-akshamy.kz.
Ol HH ǵasyrdyń basynda jer betinde jolbarystyń 9 túri mekendep, sany 100 myńnan assa, HHİ ǵasyrdyń basynda shamamen 3,5 myńy qalǵanyn aıtty. Sondaı-aq Turan jolbarystarynyń sońǵy ókilderi 1970 jyldary joǵalyp ketkenin atap ótti.
«Qazirgi tańda Ekologıa, geologıa jáne tabıǵı resýrstary mınıstrligi Balqash mańynda jolbarys popýlásıasyn qalpyna keltirýdiń 15 jylǵa arnalǵan baǵdarlamasyn jasady. Ol ańnyń meken etý ortasyn daıyndaý, jolbarysty tabıǵatqa jiberý jáne baǵdarlamanyń júzege asýyn baqylaý sharalaryn qamtıdy», - dep jazdy ol.
Berkinbaevtyń aıtýynsha, 2018 jyly «İle-Balqash» rezervaty qurylyp, onda bıotehenıkalyq sharalar arqyly qaban, qulan, qaraquıryqtardy kóbeıtý, buqar buǵylarynyń popýlásıasyn qalpyna keltirý jumystary júrip jatyr. Osy atalǵan sharalar oryndalǵannan keıin ekojúıe jolbarys popýlásıasyn ustap turýǵa qabiletti bolmaq.
«2010 jyly Qazaqstan halyqaralyq jolbarys samıtinde Ortalyq Azıaǵa Turan jolbarystaryn qaıtarýǵa daıyn ekenin málimdegen. Al 2017 jyly Qazaqstan men Búkilálemdik jabaıy tabıǵat qory (WWF) Ońtústik Balqash mańy men İleniń Delta aýdanynda jolbarystyń reınstrodýksıasy baǵdarlamasyn júzege asyrý týraly Memorandýmǵa qol qoıyldy. Elimizge alǵashqy jolbarystar 2025 jyly ákelinbek», - dep habarlady ol.