Jol salatyn 2 jáne odan da kóp otandyq kompanıalardan konsorsıým qurylady. Bul týraly Kólik mınıstrliginen málim etti, dep habarlaıdy almaty-akshamy.kz.
«Bizde avtomobıl joldarynyń qurylysy halyqaralyq qarjy ınstıtýttarynyń qaryzdary esebinen, respýblıkalyq búdjetten jáne jeke ınvestorlardyń qarajatyna júzege asyrylady. Qaryz arqyly júzege asyrylatyn jobalardy kóp jaǵdaıda sheteldik kompanıalar jeńetinin moıyndaımyz. Aıta ketý kerek, bul jaǵynan talaptar óte joǵary. Iaǵnı, otandyq kompanıalar árdaıym osy joǵary talaptarǵa (qarjylyq aınalym, tájirıbe, tehnıkamen jabdyqtaý jáne mamandardyń kásibıligi) jaýap bere almaıdy. Sondaı-aq, halyqaralyq qarjy ınstıtýttary jol qurylysyna merdigerlik uıymdardy aıqyndaý kezinde olardyń erejeleri men talaptaryna sáıkes konkýrstar ótkizedi», - dep atap ótedi mınıstrlikten agenttiktiń saýalyna oraı.
Vedomstvonyń atap ótýinshe, osy máseleni túpkilikti sheshý úshin Qazaqstan Úkimeti qaýymdastyqtardyń kómegimen halyqaralyq konkýrstardyń sharttary boıynsha otandyq kompanıalarǵa birneshe túsindirý jumystaryn júrgizdi.
«Budan basqa, bizdiń sharttarymyzǵa sáıkes halyqaralyq qarjy ınstıtýttarymen konkýrsqa qatysý úshin biliktilik talaptaryn ońaılatý boıynsha kelissózder kózdelgen. Sonymen qatar 2 jáne odan da kóp otandyq kompanıalardan qurylǵan konsorsıýmdardy qalyptastyrý josparlanǵan. Osy sharanyń arqasynda otandyq kompanıalardyń deńgeıi sheteldik kompanıalarmen básekelese alady. Munan bólek, sheteldik kompanıalar úshin otandyq kompanıalardy qosalqy merdigerlik jumysqa tartý jónindegi talaptar kúsheıtiletin bolady. Qorytyndylaı kele, otandyq kompanıalardyń tájirıbesin eskere otyryp, bolashaqta olar iri avtojol jobalaryn iske asyrýǵa daıyn dep sanaımyz», - dep atap ótedi Kólik mınıstrligi.