Elimizdiń 8 óńirinde aýa raıy áli de qolaısyz, respýblıkalyq trassalardyń 50 ýchaskesi jabyq.
Jol salasynyń mamandary bir táýlikte qar qursaýynan 480 adamdy qutqaryp, 233 kólikti shyǵardy, dep habarlaıdy Almaty-akshamy.kz.
"QazAvtoJol" qyzmetkerleri respýblıkalyq mańyzy bar joldardy paıdalanýshylardy jylytý pýnktterine jetkizip, jaqyn mańdaǵy kempıngterge deıin mashınalardy súırep aparýǵa kómektesti.
Atap aıtqanda, kómek Shyǵys Qazaqstan, Jambyl, Qaraǵandy, Qostanaı, Almaty jáne Túrkistan oblystarynyń respýblıkalyq mańyzy bar kúre joldarynda kórsetildi. Qar qursaýynda qalyp qoıǵan júrgizýshiler men jolaýshylardy shyǵaryp alý úshin 400 birlik arnaıy tehnıka jumyldyryldy.
Jol mamandary el aýmaǵy boıynsha respýblıkalyq mańyzy bar avtojoldardy patrúldeýdi jalǵastyrýda.
Respýblıkalyq trassada shtattan tys jaǵdaı týyndasa, 1403 baılanys ortalyǵyna júginý qajet.
Elimizdiń 8 óńirinde aýa raıy áli de qolaısyz, respýblıkalyq trassalardyń 50 ýchaskesi jabyq.