2024 jyldyń 5 naýryz kúni saǵat 10:00-de Jol aktıvteriniń ulttyq sapa ortalyǵynyń jergilikti atqarýshy organ ókilderine arnalǵan oqý-semınary ótedi.
Semınar maqsaty - jergilikti mamandardyń jol qurylysy salasyndaǵy biliktiligin arttyrý jáne avtomobıl joldarynyń sapasyn arttyrý. Atalǵan is-sharaǵa Almaty qalasynyń aýdan ákimdikteri men qalalyq ákimdiktiń 30-ǵa jýyq qyzmetkeri qatysady, dep habarlaıdy Almaty-akshamy.kz.
Jol aktıvteriniń ulttyq sapa ortylyǵynyń málimetinshe, Qazaqstandaǵy turǵyn úı komýnaldyq sharýashyly, jolaýshylar tasymaly jáne avtomobıl joldary bólimderindegi qyzmetkerlerdiń tek 10%-y jol salasy mamandyǵyn alǵan, dıplomdary bar. Atalǵan salada arnaýly bilim almaǵandyqtan jol qurylysy men jóndeý jumystarynda smetalyq qujattardy toltyrýda, tapsyrys berýshi tarapynan tehnıkalyq qujattardy daıarlaýda olqylyqtar oryn alyp, túrli qatelik ketedi. Osyndaı kemshilikterdiń aldyn alý úshin ortalyq mamandary jergilikti ákimdiktiń jol salasyna jaýapty qyzmetkerlerine oqý semınaryn uıymdastyrǵan.
Semınarda tómende kórsetilgen máseleler qozǵalady:
- Avtojol jobalaryndaǵy sapany baqylaý;
- Avtomobıl joldaryna dıagnostıka jasaý jáne qujattaý;
- Vedimistik saraptaý, portalmen jumys;
- Ortasha jol jóndeýdiń tolyq sıklymen nemese bıznes prosesimen tanysý;
Osyndaı oqytý-semınarlardan keıin aımaqtarda jol qurylysy sapasy artýy tıis.
İs-shara Almaty qalasyndaǵy Shevchenko, 97 mekenjaıynda ornalasqan Logıstıka jáne kólik akademıasynda ótedi.