Almatyda Tilendıevten Rozybakıev kóshesine deıingi Abaı dańǵylyndaǵy qozǵalys eki táýlikke shekteledi
Asfáltbeton jabyndysynyń tóselýine baılanysty Abaı dańǵyly boıynsha Tilendıev kóshesinen Rozybakıev kóshesine deıin kúndizgi jáne túngi ýaqytta 7 shildede saǵat 23:00-den 9 shildede saǵat 06:00-ge deıin qozǵalys tolyǵymen shekteledi. Aınalma jol Esenjanov, Sátbaev, Tilendıev, Brýsılovskıı, Turǵut Ozal kóshelerimen qamtamasyz etiledi.
Qozǵalysty shekteý osy ýchaskede polımerasfaltbetondy qoldanýmen baılanysty. Ol 150-160 S temperatýrada tóseledi, qajetti beriktikke jetý úshin qospany 40 gradýsqa deıin salqyndatý kerek. Áıtpese, qospanyń quramy kólik quraldary júktemeleriniń áserinen buzylady, bul bolashaqta jaryqtar men kolysýlardyń paıda bolýyna ákeledi. Jabyndy tóseý jumystary túnde júrgiziledi, alaıda júrgiziletin jumystardyń sapasynyń nasharlaýyn boldyrmaý úshin betti salqyndatý jáne tıisti qattylyq pen beriktikti jınaý úshin orta eseppen 36 saǵatqa shydaý usynylady. Bul kezeń, ádette, kúndizgi ýaqytqa sáıkes keledi, bul qozǵalystyń qabattasýyn túsindiredi.
Aıta ketsek, aldyńǵy ortasha jóndeý jumystary osy ýchaskede 2012 jyly júrgizilgen. Jóndeýaralyq merzimniń ótýine baılanysty jobalaý uıymynyń (lısenzıasy bar) ókilderimen tekserý júrgizildi. Shuńqyrlar, túrli shógýler túrindegi aqaýlar anyqtaldy, osy joldyń aǵymdaǵy jaǵdaıy týraly tehnıkalyq qorytyndy jasaldy. Osyǵan baılanysty ýchaske 2023 jylǵa arnalǵan jumys josparyna engizildi.
Buǵan deıin Dostyq dańǵylynan Nazarbaev dańǵylyna deıingi ýchaskede jóndeý jumystary aıaqtalǵan bolatyn. Jóndeý brıgadalary eki baǵyt boıynsha jumys isteıtin bolady.
Ýaqytsha qolaısyzdyqtar úshin keshirim suraımyz. Bul qala joldaryn jóndeý olardyń bizge uzaq qyzmet etýi úshin qajetti shara. Sondyqtan baratyn baǵyttaryńyzdy aldyn ala belgilep alýdy ótinemiz.
Almaty qalalyq mobıldilik basqarmasy