Qaǵıda Almaty qalasyn sýmen qamtý, sý burý, jylýmen jabdyqtaý, gazben jabdyqtaý jáne elektrmen jabdyqtaý júıelerin paıdalaný tártibin aıqyndaıdy.
Almaty máslıhaty ınjenerlik komýnıkasıalardy ustaý qaǵıdalarynyń qaıta óńdelgen jobasyn maquldady, dep habarlaıdy Almaty-akshamy.kz
VIII shaqyrylǵan Almaty qalasy máslıhatynyń XV sesıasy barysynda jańartylǵan «Almaty qalasynda ınjenerlik komýnıkasıalardy kútip-ustaý qaǵıdalaryn» bekitý máselesi qaraldy.
Qalanyń Energetıka jáne sýmen jabdyqtaý basqarmasynyń basshysy Talǵat Malybaev qaǵıdalar quqyqtyq aktiler týraly zańǵa jáne Ádilet departamentiniń nusqamalaryna sáıkes qaıta óńdelgenin jáne olarda apattyq-qalpyna keltirý jumystaryn shuǵyl júrgizý kezinde jol jabyndaryn ashý, kóshelerdi, alańdardy jáne basqa da abattandyrylǵan jalpy paıdalanymdaǵy aýmaqtardy qazý jónindegi jumystardy júrgizý tártibin sıpattaıtyn jańa taraý paıda bolǵanyn atap ótti.
«Qaǵıdalar jobasynda tutynýshy men qyzmet kórsetýshi arasyndaǵy jaýapkershilik shekaralaryn sıpattaý; teńgerimdik tıesiligin bólý shekaralaryn aıqyndaý; tutynýshy men qyzmet kórsetýshiniń quqyqtary men mindetteri bóligindegi normalar qamtylady», - dedi ol.
Atap aıtqanda, jerasty ınjenerlik komýnıkasıalaryn tóseý úshin jol jabyndaryn ashý, kóshelerdi, alańdardy jáne jalpy paıdalanymdaǵy aýmaq belgili bir sharttardy saqtaı otyryp qazylady. Shuńqyrlar men transheıalardyń ýchaskeleri kóshelerde, aýlalarda, sondaı-aq qoǵamdyq jáne jol júrý oryndarynda qorshalýǵa tıis. Qorshaýlarda túnde jaryq shaǵylystyrǵysh men dabyly bar eskertý jazýlary men belgilerin ornatý qajet. Erejege sáıkes, adamdardyń jappaı ótetin jerlerine irgeles ýaqytsha qurylys qorshaýlary úzdiksiz qorǵanysh qalqanmen jabdyqtalady, al jumys júrgizý aımaǵyna túsetin aǵashtardyń dińi zaqymdanýdan qorǵalýǵa tıis. Budan basqa, keıingi ýchaskelerdegi jumystardy qalpyna keltirý jumystary men aýmaqty jınaýdy qosqanda, aldyńǵy ýchaskedegi barlyq jumys aıaqtalǵannan keıin ǵana bastaýǵa ruqsat etiledi. Kósheler boıynsha ınjenerlik jelilerdi salý kezinde asfáltbeton jabyny qoldanystaǵy joldyń boıyna – jıekten jıekke deıin qalpyna keltiriledi.