Jaraqat alǵandardyń barlyǵy medısınalyq mekemege jetkizildi.
Qazaqstandaǵy trassalyq medısınalyq-qutqarý pýnktiniń mamandary ótken táýlikte jol-kólik oqıǵalaryna 15 ret shyǵyp, 32 adamdy qutqardy, dep habarlaıdy Almaty-akshamy.kz.
«Túrkistan oblysynda Almaty-Tashkent-Termez tas jolynyń 754 shaqyrymyndaǵy eki kóliktiń soqtyǵysý saldarynan 7 adam, onyń ishinde 3 bala zardap shekti. Aqparatty alǵan sátten bastap 2 mınýttan keıin "Qyzyǵurt" trassalyq medısınalyq-qutqarý pýnktiniń brıgadasy jol-kólik oqıǵasy ornyna shyqty. Zardap shekkenderdiń barlyǵyna qajetti medısınalyq kómek kórsetilip, keıinnen Qazyǵurt aýdandyq aýrýhanasyna jatqyzyldy», – delingen Tótenshe jaǵdaılar mınıstrliginiń baspasóz qyzmetiniń habarlamasynda.
Resmı derek boıynsha, Qazaqstanda 40 trassalyq medısınalyq-qutqarý pýnkti bar. Olar respýblıkanyń 14 oblysynda ornalasqan.
TMQP-nyń negizgi mindeti JKO-dan zardap shekkenderge shuǵyl medısınalyq kómek kórsetý bolyp tabylady.
Jol boıyndaǵy pýnktterdiń jumysynyń arqasynda TMQP jaýapkershilik aımaǵynda kez kelgen júrgizýshi nemese jolaýshy kez kelgen shuǵyl jaǵdaıda bilikti medısınalyq kómekke kepildik beriledi jáne tegin alady.
Alaıda júrgizýshiler jolda abaı bolý kerek, rúldiń artynda demalyp, qaýipti manevrlerden aýlaq bolý kerek jáne jyldamdyq rejımin saqtaý kerek.