Mamandar bıtýmnyń sapasyna jańa talaptardy engizip jatyr.
Qazaqstandaǵy avtomobıl joldarynyń qurylysy men jóndeý jumystaryna paıdanylatyn bıtým, otandyq standart boıynsha shyǵarylatyn boldy, dep habarlaıdy Almaty-akshamy.kz.
«Elimizdegi avtomobıl joldary salasyndaǵy saıasatty júzege asyratyn ortalyq memlekettik organ retinde QR Indýstrıa jáne ınfraqurylymdyq damý mınıstrligi joldardyń sapasy men ondaǵy jóndeý jumystaryna baqylaý júrgizýdi arttyrý maqsatynda birqatar keshendi sharalardy qolǵa alýda», - delingen Indýstrıa jáne ınfraqurylymdyq damý mınıstrliginiń baspasóz qyzmetiniń habarlamasynda.
Jol qurylysy men jóndeý jumystarynda mańyzdy elementtiń biri – jol bıtýmy. Onyń sapasy men qospa materıaldarynyń quramy úlken ról atqarady.
Buryn bıtým otandyq munaı óńdeý zaýyttarynda Keńes Odaǵy kezindegi memlekettik standartqa sáıkes óndiriletin. Al búginde bıtým qazaqstandyq talap boıynsha shyǵarylady. Bul standart – álemdik úzdik tájirıbelerdi negizge ala otyryp daıyndalǵan. Ol jol qurylysy men jóndeý jumystarynda paıdalanylatyn bıtýmnyń sapasyna jańa talaptardy engizip, onyń quramyn jetildiredi. Óz kezeginde tyń tásilmen óndiriletin bıtým jol jabyndysynyń beriktik qasıetin uzaq ýaqytqa saqtaıdy.
Osyǵan oraı otandyq zaýyttar qural-jabdyqtaryn jańartyp, bıtým óndirisin zamanaýı standarttarǵa jaýap beretindeı jańǵyrtýy tıis.