İİM ata-analarǵa eskertý jasady.
Jyl basynan beri jol apatynan qaza tapqan balalardyń sany 14%-ǵa, al zardap shekken balalardyń sany 3%-ǵa artty, dep habarlaıdy Almaty-akshamy.kz
Ákimshilik polısıa komıtetiniń erekshe tapsyrmalar jónindegi aǵa ınspektory Aqtoty Boranovanyń aıtýynsha, balalardyń joldaǵy qaýipsizdigi, ásirese, oqý jyly kezinde ózekti máselege aınalady. Resmı málimetke sáıkes, jyl basynan beri jol apatynan qaza tapqan balalardyń sany 14%-ǵa, al zardap shekken balalardyń sany 3%-ǵa artyp otyr.
"Zardap shekken balalardyń jartysynan kóbi – jolaýshylar, al qalǵandary jaıaý júrginshiler boldy. Kóp jaǵdaıda balalar eresekter tarapynan tasymaldaý erejelerin buzǵany úshin zardap shegedi. Sebebi olar avtooryndyqtar, býsterler jáne adapterler sıaqty qorǵanys qurylǵylaryn paıdalanbaıdy", - dedi Boranova.
Búginde polıseıler jaıaý júrginshiler kináli bolatyn jol apattarynyń negizgi sebepterin de anyqtady. Olar:
belgilenbegen jerden joldy kesip ótý;
jaqyndap qalǵan kóliktiń aldynan júgirip ótý;
baǵdarshamnyń tyıym salynǵan sıgnalyna ótý.
Balanyń joldaǵy minez-qulqy kóp jaǵdaıda ata-anasyna baılanysty. Bala kórgenin isteıdi. Ata-analar jol qaýipsizdigi erejeleri týraly sóılesip qana qoımaı, ózderi de saqtasa, bala jol erejesin buzbaıtyn edi.