Tashkentte joǵalyp ketken áıel úsh kúnnen keıin lıftiden óli tabyldy.
Jedel saty birneshe kún boıy buzylyp turǵan, - dep habarlaıdy Almaty-akshamy.kz Nova24.uz málimetine silteme jasap.
Oqıǵa 24 shildede Tashkenttiń Mırzo-Ulyqbek aýdanyndaǵy Parkent kóshesindegi úılerdiń birinde bolǵan.
Aqparat derekkózi: https://massaget.kz/basty-zhaalytar-438/87902/
26 shildede áıeldiń týystary adam joǵalǵany týraly aryzben quqyq qorǵaý organdaryna júgingen. İzdestirý jumystarynyń úshinshi kúni, ıaǵnı 27 shildede qaıtys bolǵan áıeldi qyz taýyp alǵan. Onyń aıtýynsha, lıft shaqyrǵanda áıeldiń jatqanyn kórgen jáne ony uıyqtap jatyr dep oılaǵan.
Keıin vıdeodan áıeldiń 24 shildede lıftke kirgeni anyqtalǵan. Ol joǵarǵy qabattardyń birinde turyp qalǵan eken.
"Jańa ǵımaratqa adamdar áli tolyq qonystanǵan joq, kórshileriniń estýi múmkin emes edi. Oǵan eshkim kómekke kelmegen, sodan qaıtys bolǵan. Ol búgin túnde tabyldy. Otbasyna kóńil aıtamyz. Bul qorqynyshty ólim", - dep jazady bloger qaıǵyly oqıǵaǵa qatysty.
Bas prokýratýra lıftte turyp qalǵan áıeldiń óliminiń sebebin atady.
"Aldyn ala medısınalyq qorytyndy boıynsha, marqumnyń ólimine júrektiń ıshemıalyq aýrýy, jedel júrek-qan tamyrlary jáne tynys alý jetkiliksizdigi sebep bolǵan. Tekserý barysynda úı turǵyndary lıft birneshe kúnnen beri isten shyqqanyn jáne mundaı buzylý jıi baıqalatynyn túsindirdi", - delingen basylym jazbasynda.
Bas prokýratýra málimetinshe, 24-28 shilde aralyǵynda lıft isten shyqqan. Vedomstvo bul oqıǵany mamandardy tarta otyryp, tergeýge deıingi tekserý aıasynda zertteıtinin, sodan keıin quqyq qorǵaý organdary qylmystyq is qozǵaý týraly sheshim qabyldaıtynyn málimdedi.
Aqparat derekkózi: https://massaget.kz/basty-zhaalytar-438/87902/