Ulttyq mýzeıdiń eks-basshysy Arystanbek Muhamedıuly ózimen birge aıyptalyp jatqan ózge tórt azamatqa qatysty pikirin bildirdi.
Qazir «Altyn adam kórmesi» men «Dıplomat» qonaqúıine qatysty ister biriktirilip, jańasha aıyptaý aktisimen qaralýda, dep habarlady KTK arnasy.
Aıyptalýshylardyń qatarynda eks-mınıstrden bólek Abaı Satybaldın, Leonıd Kochetov, Almas Nurazhan, Azamat Kóshenov pen Aıym Sádýaqasova bar. Olar buǵan deıin «Altyn adamnyń» álem murajaılaryndaǵy kórmesi boıynsha 7 jylǵa sottalǵan bolatyn. Úkimi shyǵyp qoıǵan istiń qazir «Dıplomat» qonaqúıine qatysty ispen nege biriktirilgeni barlyǵyna beımálim. Aıyptalýshylar istiń mán-jaıyn bilip-tanýǵa ýaqyt az dep shaǵymdanýda.
«Qazir sot bolyp jatyr. Otyrǵan jigitterdiń eshqaısynyń kinási joq. Eshqandaı qylmys, eshqandaı izi de joq. Bylaısha aıtqanda, eshqandaı faktisi de joq. Bárine «Muhamedıulyna syılyq aparyp berdińder» dep aıtyńdar degen. Barlyǵy «ondaı bolǵan joq» deıdi. Olarda namys bar. «Aıtpasańdar, otyrǵyzamyz» dedi», - deıdi Arystanbek Muhamedıuly.