Ol sporttyq jolynda juptyq synda barlyǵy 19 ret úzdik shyqty.
Qazaqstandyq Jibek Qulambaeva juptyq synda Italıada ótken ITF W25 týrnıriniń jeńimpazy atandy, dep habarlaıdy Almaty-akshamy.kz QTF-ǵa silteme jasap.
22 jastaǵy J. Qulambaeva latvıalyq Dará Semenıstaıamen birge fınalda qytaılyq Djıng Lú - bosnıalyq Anıta Vagnerdi 6:2, 6:2 esebimen tize búktirdi.
Kezdesý bir saǵattan astam ýaqytqa sozyldy.
Osylaısha, Jibek bıylǵy maýsymda ITF jarystarynda besinshi tıtýlyna qol jetkizdi. Ol sporttyq jolynda juptyq synda barlyǵy 19 ret úzdik shyqty. Oǵan qosa, jekeleı synda eki márte chempıon atandy.
Sondaı-aq, qazaqstandyq jasóspirimder Bakýde 14 jáne 16 jasqa deıingiler arasynda Tennis Europe dodasynda tabysty óner kórsetti. Atap aıtqanda, Team Kazakhstan akademıasynyń túlekteri Demıd Gorbachev pen Mansur Sháken juptyq synda eshkimdi shydatpady. Olar sońǵy básekede ırandyq Kırash Hanıfı - túrkıalyq Barýk Sıvaslıden aılasyn asyrdy – 6:2, 6:2. Jekeleı synda Demıd fınalda túrkıalyq Býgra Ozkochqa ese jiberdi – 2:6, 4:6.