Bul otbasy ata kásipti nasıhattap, búrkitshilikti dáriptep júr.
QR Prezıdenti janyndaǵy Ortalyq komýnıkasıalar qyzmetiniń alańynda Otbasy kúnine oraı ótken «Mereıli otbasy» ulttyq baıqaýynyń jeńimpazdaryn onlaın formatta marapattaý rásiminde Jetisýlyq Isabekovtar otbasy respýblıkadaǵy eń úzdik otbasylardyń biri bolyp anyqtaldy, dep habarlaıdy Almaty-akshamy.kz.
Almaty oblysy ákiminiń birinshi orynbasary Lazzat Turlashov jeńimpazdardy quttyqtaı otyryp, Eńbekshiqazaq aýdanynan kelgen Isabekovtar otbasyna jyly lebizderin bildirdi.
Isabekovtar otbasy halyq arasynda úlken bedelge ıe. Bul otbasy ata kásipti nasıhattap, búrkitshilikti dáriptep júr. Nura aýylyndaǵy «Jeti qazyna» qusbegilik mektebi ári murajaıyna ıelik etip, jumysyn jolǵa qoıyp otyrǵan áýlettiń ónegeli isteri barshylyq.
Eske sala keteıik, Muhamed Isabekov 2003 jyly «Jeti qazyna» ańshy qustar murajaıyn ashqan bolatyn. Bul Ulttyq ańshylyq túrleri boıynsha eldegi alǵashqy murajaı. Kóptegen eksponattyń ishinde Qýanysh Isabekovtyń Londonda ótken I Halyqaralyq ańshylar festıvalindegi jeńisi úshin berilgen marapat erekshe baǵalanady. Ol 33 elden kelgen qatysýshylar arasynda jeńiske jetip, «Úzdik búrkitshi» ataǵyn aldy.
- Biraq basty marapatty biz búgin aldyq. Bizdi Memlekettik hatshy quttyqtap, el Prezıdenti Qasym-Jomart Toqaevtyń quttyqtaýyn jetkizdi. Oblys ákiminiń birinshi orynbasary Lazzat Turlashovtyń qolynan Memleket basshysy qol qoıǵan dıplom alyp, Almaty oblysynyń úzdik otbasy atandyq. Qarapaıym otbasylardyń qundylyqtary eń joǵary deńgeıde aıtylady. Al bul mańyzdy bolyp tabylady. Men balalarǵa ózim biletin nárseni úıretemin, maǵan ony ata-anam úıretti, - dedi Muhamed Isabekov.
Aıta keteıik, Isabekovtar otbasy Jetisýda 410 qatysýshy arasynda úzdik atandy.
Buǵan deıin habarlaǵanymyzdaı, marapattaý rásimine Memlekettik hatshy Qyrymbek Kósherbaev qatysyp, QR Prezıdentiniń quttyqtaýyn jetkizdi. Rásim barysynda ár otbasyna Memleket basshysynyń dıplomdary men aqshalaı sertıfıkattar tabys etildi.