Mamandar azamattardy aýa raıynyń ózgerýin baqylap, saqtyq sharalaryn saqtaýǵa shaqyrady.
Almaty oblysynyń Tótenshe jaǵdaılar departamenti 2-4 naýryz kúnderi jaýyn saldarynan taýly ózenderdegi sý deńgeıiniń kóteriletinin eskertýde, dep habarlaıdy Almaty-akshamy.kz QazAqparatqa silteme jasap.
«Qazgıdromet» kásipornynyń málimetinshe, 2-4 naýryz aralyǵynda Almaty oblysynyń taýly aımaqtarynda jaýyn-shashyn bolady. Taý ózenderinde sý deńgeıiniń kóterilýi jáne betkeı aǵyndardyń qalyptasýy kútilýde», - delingen vedomstvonyń baspasóz qyzmeti taratqan habarlamada. Tótenshe jaǵdaılar departamenti azamattardy aýa raıynyń ózgerýin baqylap, saqtyq sharalaryn saqtaýǵa shaqyrady.
Buǵan deıin QR Tótenshe jaǵdaılar mınıstri Iýrıı Ilın bıylǵy kóktemde sý basý qaýpi bar aımaqtardy ataǵan bolatyn. Almaty oblysy táýekeli ortasha aımaqqa jatady.