Sheteldik ınvestorlar Qazaqstanda kartop ósirý men óńdeýge qyzyǵýshylyq tanytyp otyr.
Jetisý oblysynda frı kartobyn óndiretin jańa kásiporyn salý múmkindigi qarastyrylyp jatyr, dep habarlaıdy Almaty-akshamy.kz QR Aýyl sharýashylyǵy mınıstrliginiń baspasóz qyzmetine silteme jasap.
Búgin QR Aýyl sharýashylyǵy mınıstriniń orynbasary Ábilhaıyr Tamabektiń óńirge sapary barysynda ınvestorlarmen jáne ákimdikterdiń ókilderimen áriptestik máseleleri talqylandy.
Kartop ósirýge mamandanǵan iri sharýa qojalyqtarynyń ókilderimen kezdesýden keıin Á.Tamabek nıderlandyq kompanıanyń ókilderimen birge ındýstrıalyq aımaqta ınfraqurylymy daıyn jáne jańa azyq-túlik óndirisi salynýy múmkin ındýstrıalyq aımaqtaǵy ýchaskeni qarap shyqty.
Sapardyń sońynda vıse-mınıstr Jetisý oblysynyń ákimi Beıbit Isabaevpen jáne «Farm Frites Kazakhstan» JSHS basshysy Iozef Boermen kezdesti. Taraptar Qazaqstanda kartop ındýstrıasyn damytý jónindegi josparlaryn talqylap, zaýyttyń bolashaqta ornalasatyn jeri týraly sheshimderdi talqylady.
Joba júzege sátti asyrylatyn bolsa, óńirge kóp óndirýshiler qajet bolady. Osyǵan oraı 10 000 gektar alqapta kartop ósirý boıynsha fermerlik sharýashylyqtyń qosymsha jobasyn iske asyrý josparlanyp otyr.
Sonymen qatar, ınvestısıalar týraly kelisim jasasý múmkindigi qarastyrylýda, onda barlyq taraptardyń áleýmettik-ekonomıkalyq mindettemeleri retteledi jáne «Farm Frites» kompanıasynyń biriktirilgen frı kartop zaýytyn salý kezinde memlekettik qoldaý sharalary naqty belgilenedi.
«Farm Frites» (Farm Frites Beheer B. V.) kompanıasynyń ókilderi 5 jyldan astam ýaqyt boıy Qazaqstannyń birqatar óńirinde kartop pen kartop tuqymyn tájirıbe retinde otyrǵyzyp keledi. Olar joǵary sapadaǵy jáne zaýyttyń qajettilikteri úshin qajetti kólemdegi kartopty jetkizýdi, sondaı-aq jergilikti fermerlerdi oqytýdy kózdep otyr.
Aıta keteıik, «Farm Frites» kompanıasy 1971 jyly Nıderlandyda otbasylyq kásiporyn retinde quryldy. Negizgi qyzmeti - kartoptan muzdatylǵan jáne salqyndatylǵan ónimder óndirýmen aınalysady. Kompanıanyń álemniń 40 elinde 6 zaýyty men 40 satý keńsesi bar, onda barlyǵy 1500 qyzmetker jumys isteıdi. Kompanıanyń kartopty óńdeý kólemi jylyna 1,3 mln tonnaǵa jetedi, ónim álemniń 80-nen astam eline eksporttalady.
«Farm Frites» - álem boıynsha frı óndirisi boıynsha tórtinshi orynda turǵan jáne McDonalds, KFC jáne basqa da fast-fýd meıramhanalarynyń negizgi halyqaralyq jetkizýshileriniń biri.