15,6 myń gektar masaqty dándi daqyl jáne 1,5 myń gektar maıly daqyl egildi.
Almaty oblysynda egis jumystary qyzý júrip jatyr. Búginde 167,3 myń gektarǵa ylǵaldy jabý, 84,1 myń gektarǵa sebý aldyndaǵy óńdeý jumystar júrgizilip, 73 myń gektar jer jyrtyldy, dep habarlaıdy Almaty-akshamy.kz.
Oblystyq aýyl sharýashylyǵy basqarmasynyń málimetine júginsek, qant qyzylshasynyń tuqymymen qamtamasyz etý úshin qazirgi ýaqytta 5,7 myń ga kóleminde 256 sharýashylyqtan ótinimder qabyldanyp, «Jetisý» ÁKK 1256 sebý birligin Qaratal, Kóksý, Eskeldi aýdandaryna ótkizdi. Tátti túbirdiń basqa da sheteldik tuqymdaryn Kóksý qant zaýytyna jetkizý men taratý jumystary osy aptanyń ishinde aıaqtalady.
«Kóktemgi egis jumystaryna mıneraldy tyńaıtqyshtardyń qajettiligi 23 myń tonna bolsa, sonyń 13,7 myń tonnasyn nemese 59,6%-in 998 sharýashylyq sýbektileri alyp úlgergen. Janar-jaǵar maıdan da qıyndyq joq. Jalpy, óńirde kóktemgi egis jumystary mamyr aıyna deıin jalǵasady», - delingen Almaty oblysy ákiminiń baspasóz qyzmetiniń habarlamasynda.