Basqa aımaqtarǵa qaraǵanda, Almaty oblysynda mal urlyǵy kóp oryn alady.
Almaty oblysynyń polıseıleri mal urlyǵyna qarsy kúresti kúsheıtip jatyr, dep habarlaıdy Almaty-akhamy.kz.
İshki ister mınıstrliginiń resmı saıtyndaǵy málimet boıynsha, Almaty oblysy mal sharýashylyǵy damyǵan óńirlerdiń birine jatady. Sondyqtan, basqa aımaqtarǵa qaraǵanda, oblysta mal urlyǵy kóp oryn alýda.
«Almaty oblysy PD mal urlyǵynyń aldyn alý jáne ony ashý mindeti birinshi kezekke qoıylǵan. Atalǵan baǵytta atqarylǵan jumystyń nátıjesinde sońǵy bes jyl ishinde Almaty oblysy boıynsha mal urlyǵy derekteriniń tirkelý sanynyń tómendeýin baıqaýǵa bolady. Jedel izdestirý is-sharalaryn júrgizýdiń nátıjesinde jyl basynan 20 qylmystyq top ustalyp, olardyń 30 shaqty qylmysqa qatystylyǵy dáleldendi. Sonyń ishinde, atap aıtatyn bolsaq, aǵymdaǵy jyly quramynda bes adam bar qylmystyq top ustaldy, olarmen 60-tan asa jylqy urlanǵan. Olar urlanǵan jylqylardy Shyǵys Qazaqstan oblysyna tasymaldaǵan, qazirgi tańda jylqylardyń jartysynan kóbi tabylyp, ıelerine qaıtaryldy», – dedi Almaty oblysy PD KPB aǵa jedel ýákili Askar Baıgýdanov.
2020 jyldyń 11 aqpanynan bastap QR Qylmystyq kodeksinde mal urlyǵy boıynsha arnaıy bap (188-1) engizilip, oǵan qoldanylatyn jaza qatańdatyldy.
«2020 jyldyń qorytyndysy boıynsha, 937 mal urlyǵy deregi boıynsha qylmystyq is qozǵaldy, sonyń ishinde 213 derek boıynsha maldar tabylyp, ıelerine qaıtaryldy. Jyldyń basynan atalǵan bap boıynsha 6311 quqyq buzýshylyq anyqtalyp, 345 tulǵaǵa 5 mln. 164 myń 549 teńge aıyppul salyndy», – dep túıindedi sózin Askar Baıgýdanov.