Strategıalyq seriktestik, ǵylymı jáne akademıalyq damý máseleleri talqylandy.
Qasym-Jomart Toqaev Arızona ýnıversıtetiniń (AQSH) delegasıasymen beınebaılanys rejıminde kezdesti, dep habarlady Almaty-akhamy.kz Akorda.kz caıtyna silteme jasap.
Kezdesý barysynda Arızona ýnıversıteti men otandyq joǵary oqý oryndary arasyndaǵy strategıalyq seriktestik, ǵylymı jáne akademıalyq damý máseleleri talqylandy.
Prezıdenttiń aıtýynsha, jahandaný úderisiniń álem elderindegi bilim berý saıasatyna tıgizetin áseri artyp keledi.
«Keıingi jıyrma jyl ishinde elimiz joǵary bilim berý salasyndaǵy halyqaralyq yntymaqtastyqty jandandyrdy. Qazaqstan men AQSH arasyndaǵy seriktestik qatynastar kóptegen salany qamtıdy. Ásirese, ǵylymı zertteý jáne stýdentter men oqytýshylar almasý salalaryndaǵy yqpaldastyq mańyzdy sanalady», – dedi Memleket basshysy.
Qasym-Jomart Toqaev álemniń jetekshi joǵary oqý oryndarymen baılanystardyń keńeıýi otandyq ýnıversıtetterdiń akademıalyq jáne zertteýshilik áleýetin arttyrýǵa múmkindik beretinin aıtty. Prezıdent Arızona ýnıversıtetiniń Qazaqstan Respýblıkasy Bilim jáne ǵylym mınıstrliginiń strategıalyq seriktesi bolý, sondaı-aq, bilim berý sapasyn birlese arttyrý jónindegi bastamasyna qoldaý bildirdi.
Amerıkalyq joǵary oqý ornymen yntymaqtastyq aıasynda óńirlik ýnıversıtetter bazasynda halyqaralyq standarttarǵa saı birlesken bilim baǵdarlamalary ázirlenedi.
Arızona ýnıversıtetiniń ókilderi Qazaqstannyń birqatar joǵary oqý oryndaryna bardy. Sonyń ishinde M.Qozybaev atyndaǵy Soltústik Qazaqstan ýnıversıteti strategıalyq seriktes retinde qarastyrylyp otyr.