Jaǵalaýlar, skeıt alańdary, sport keshenderi jáne balalar oınaıtyn oryndar: Jetisý aýdanynyń turǵyndary úshin ne salynady?
Jetisý aýdanynda «Halyqtyq búdjetke qatysý baǵdarlamasy aıasynda 2023 jyly aýdan turǵyndary usynǵan 40 joba irikteldi. Baǵdarlamanyń júzege asý barysy týraly aýdan ákimi Gúlnar Kókebaeva Almaty qalasynyń Óńirlik kommnıkasıalar qyzmetiniń brıfıńinde aıtyp berdi, dep habarlaıdy almaty-akshamy.kz
«Halyqtyq búdjetke qatysý» baǵdarlamasy aıasynda 2023 jyly aýdan turǵyndarynan 300-ge jýyq joba kelip tústi, onyń ishinde turǵyndardyń daýys berý qorytyndysy boıynsha iske asyrý úshin 1,8 mlrd.teńge somasyna 40 joba irikteldi. Olardyń ishinde Raıymbek dańǵyly, Bókeıhanov kósh. qıylysyndaǵy jer ústi jaıaý júrginshiler kópirin aǵymdaǵy jóndeý, tereńdetilgen konteınerlerdi ornatý jáne t.b. jobalar bar.
Búgingi tańda 25 nysannyń qurylysy aıaqtaldy. Jyl sońyna deıin qalǵan 15 jobany aıaqtaý josparlanýda.
«Halyqtyq búdjetke qatysý» jobasynan basqa, aýdan ákimdigi jaǵalaý aımaqtaryna kúrdeli jóndeý jumystaryn júrgizýde.
«Esentaı ózeniniń boıynda Kókjıek y/a jalpy aýdany 8 ga bolatyn jańa saıabaq aımaǵyn qurý boıynsha jumystar júrgizilýde, onda skeıt, fýtbol alańy, oryndyqtar, balalar oıyn jáne sport keshenderi, avtosýarý júıesi ornatylǵan jaǵalaýdy jaılastyrý kózdelgen. Joba aýyspaly bolyp tabylady, jumystardy aıaqtaý 2024 jyldyń 2 toqsanynda josparlanyp otyr», - dep habarlady G.Kókebaeva.
Sondaı-aq, Chernovskaıa kóshesinde biz ótken jyly salǵan jaǵalaý aımaǵynyń qurylysyn jalǵastyrý boıynsha jumystar júrgizilýde. Jaǵalaý aımaǵynyń jańa qurylysy sheńberinde balalar, sport, trenajer jáne kónkı alańdaryn jaılastyrý kózdelgen, sondaı-aq, jaǵalaýda avtosýarý júıesi ornatylady, bul bizge jasyl jelekterdi saqtaýǵa múmkindik beredi. Jobanyń uzyndyǵy shamamen 1.2 km quraıdy, jumystardy 2024 jyldyń 2-toqsanynyń sońyna deıin aıaqtaý josparlanýda.