Jetisý aýdanynda ınjenerlik ınfraqurylymdy jańǵyrtý men damytý jónindegi keshendi baǵdarlama iske asyrylyp jatyr. Jumystyń basym bóligi – sýmen jabdyqtaý, káriz jelileri, jylýmen jabdyqtaý júıelerin qamtyǵan. Óńirlik komýnıkasıalar qyzmeti uıymdastyrǵan baspasóz konferensıasynda aýdan ákimi Lázzat Jylqybaeva osylaı dedi.
Aýdan turǵyndaryn sapaly sýmen jáne káriz jelisimen qamtamasyz etý aýmaqty keshendi damytý sheńberindegi basty mindettiń biri bolyp otyr. Osy zamanǵa ınjenerlik ınfraqurylymdy qurý sanıtarlyq-ekologıalyq jaǵdaıdy jaqsartýǵa yqpal etip, jaıly ómir súrý deńgeıin arttyrady.
Qazirgi ýaqytta jańa komýnaldyq jelilerdi salýǵa baǵyttalǵan aýqymdy ınjenerlik jobany iske asyryp jatyr. Aýdannyń 120-dan astam kóshesin qamtıtyn 26 shaqyrym sýmen jabdyqtaý men 72 shaqyrym káriz jelisin salý kózdelgen. Jobanyń maqsaty – turǵyndardyń sýmen jabdyqtap, káriz qyzmetin qoljetimdi etý.
Qazirgi ýaqytta osy joba sheńberinde qurylys jumystary aıaqtalǵan 15 kósheni sýmen jabdyqtap, káriz jelisi paıdalanýǵa berildi. Barlyq nysandar ary qaraı qyzmet kórsetý maqsatynda «Almaty Sý» MKK menshigine berildi.
Aıaqtalǵan kóshelerdiń jalpy sanynan:
Káriz jelileri Shildehana, Obskaıa, Fevralskaıa, Serikov, Taımyrskaıa, Mesherskıı sıaqty 6 kóshede salynyp, paıdalanýǵa berildi:
Beláev, Feoktıstov, Bykovskıı, Leonov, Logovaıa, Mesherskıı, Soltústik aınalym, Sypataev, Talalıhın kóshelerinde sýmen jabdyqtaý jelileri salynyp, qoldanysqa berildi.
Komýnaldyq ınfraqurylymdy odan ári damytý sheńberinde búgingi tańda taǵy 11 kóshede sýmen jabdyqtaýdyń ınjenerlik jelilerin berý boıynsha daıyndyq jumystary júrgizilip jatyr, atap aıtqanda: Saryaǵash, Mańǵyshlaq, patshaıym, Kýýsınena, Venera, Kýznesov, Núsipbekov, Iakır, Natarov, Latıf Hamıdı, Matrosov. Sondaı-aq, Omarov kóshesi boıynsha sý burý jelisin berýge daıarlyq júrgizile bastady.
Atalǵan is – sharalarmen qatar Rysqulov – Súıinbaı – Raıymbek-Tátibekov kósheleriniń shekarasyndaǵy aýmaqty qamtıtyn jańa ınfraqurylymdyq jobany iske asyrý bastaldy. Jobada oramishilik ınjenerlik jelilerdi qosa alǵanda, 26 shaqyrym salý kózdelgen:
- 13,41 shaqyrym sýmen jabdyqtaý jelileri;
- 12,23 shaqyrym sý burý jelileri.
Qazirgi ýaqytta «Kıikbaı Stroı Servıs» JSHS merdigerlik uıymy esik, Potanın men Núsipbekov kóshesinde qurylys-montajdaý jumystaryn júrgizip jatyr.
Qosymsha, «Almaty Sý» komýnaldyq kásiporny jalpy uzyndyǵy sýmen jabdyqtaý men sý burý ınjenerlik jelilerin rekonstrýksıalaý boıynsha jalpy uzyndyǵy 3,6 shaqyrymdy quraıtyn taǵy 6 jeke jobany iske asyra bastady. Jumys júrip jatqan jerler:
- Parkovaıa kóshesi – Bondarenko kóshesinen Saıanskaıa kósh. deıin;
- Ermak kóshesi;
- Lomonosov kóshesi – Chernomorskaıa kóshesinen Ýssýrııskaıa kósh. deıin;
- Gersen kóshesi – Rysqulov dańǵylynan Túlkibas kóshesine deıin;
- Botanıkalyq jáne Saltykov-SHedrın kósheleriniń qıylysy;
- Taıyrov kóshesi - №54 jáne №56 úıler.
Budan basqa, «Almaty jylý jelileri» JSHS qyzmeti sheńberinde «Aınabulaq-1» sh/a jylýmen jabdyqtaý jelilerin qaıta jańartý boıynsha 2 joba iske asyrylǵan. Jumys №14 úıden №30 úıge deıingi ýchaskeni qamtıdy, jańartylatyn jylý jelileriniń jalpy uzyndyǵy 954 m. quraıdy. Qurylys-montajdaý jumystaryn «AS Stroı» JSHS jáne Emax company merdigerlik uıymdary júzege asyryp jatyr.
Atalǵan jobalardy keshendi oryndaý aýdannyń ınjenerlik ınfraqurylymynyń tehnıkalyq jaı-kúıin kezeń-kezeńimen jaqsartýǵa, komýnaldyq qyzmetterdi turaqty jáne sapaly usynýdy qamtamasyz etýge baǵyttalǵan.