Qyzyl kitapqa engen arqarlar men aıýlar túsirip alynǵan
Jetisý taýlarynda qar barysy kózge tústi. Bul jaıynda «Tabıǵat» ańshylar qoǵamdyq birlestikteriniń respýblıkalyq qaýymdastyǵy málim etti, dep habarlaıdy Almaty-akshamy.kz.
"Naýryz aıynyń sońynda «Tabıǵat» qaýymdastyǵy zoolog ǵalymdarmen, ańshylarmen jáne ańshylyq sharýashylyq múshelerimen birlesip Jetisý Alataýynda janýarlarǵa monıtorıń júrgizgen", - dep jazdy QazAqparat.
«Munda ańshylyq sharýashylyqtarynyń aýmaǵynda «Turaqty týrızmdi damytý» jobasy aıasynda qar barysy men basqa da sútqorektilerdiń sanyn esepke alý jumysy jalǵasyp jatyr. Nátıje óte jaqsy, ondaǵan kamera sırek kezdesetin jyrtqyshtardy tirkedi. Búkil derekter mamandarǵa beriledi», - dep habarlady qaýymdastyqtan.
Beınetuzaqtan aqparat alýdan bólek, janýarlardy vızýaldy esepke alý da umyt qalmaıdy.
Bul proses barysynda sırek kezdesetin ańdar, atap aıtqanda, Qyzyl kitapqa engen arqarlar men aıýlar túsirip alynǵan.
Atalǵan joba CEPF jáne WWF atty halyqaralyq ekologıa qorlarynyń qoldaýymen júzege asyp jatyr.