Shahar basshysy qala ákimshiligi tarapynan ruqsat berilmegen turǵyn úılerge aqsha bermeýge shaqyrdy.
Búgin Almaty qalasynyń ákimi Erbolat Dosaev Áýezov aýdanynyń turǵyndarymen kezdesti. Kezdesýde aýdan turǵyndary ákimge suraqtaryn joldady, dep habarlaıdy Almaty-akshamty.kz.
Suraq:
- "Jetisý-3" shaǵynaýdanynda salynyp jatqan turǵyn úı kesheniniń jaǵdaıy qandaı? Bul úıler salynbaıdy degen sybys shyqty. Eger turǵyn úı salynbasa, onyń sebebi nede?
«Búgingi bekitilgen Ereje boıynsha bul jerde tek 5 qabatty turǵyn úı salýǵa bolady. Jekemenshik kásipker oǵan kelispeı otyr. Al 9 qabatty úı salýǵa ákimdik ruqsat bermeıdi. Sebebi mundaı bıiktiktegi úı ózge turǵyn úılerge kedergi keltiredi. Kásipker 5 qabatty turǵyn úı salýǵa kelisse, qurylys jalǵasady. Jalpy, osy jerge baılanysty tamyzdyń sońyna deıin sheshim qabyldaımyz. Sondaı-aq, qala turǵyndaryna eskertkim keledi. Esterińizde bolsyn, qala ákimshiligi ruqsat bermegen turǵyn úılerge aldyn ala aqsha bermeńizder»,- dedi qala ákimi Erbolat Dosaev.