Elorda dárigerleri asqazanyna magnıt tolǵan qyzdy qutqardy
Ótken aptada elordada magnıtti-rezonansty tomografıalyq zertteý úshin aýrýhanaǵa túsken 7 jastaǵy qyzǵa operasıa jasaldy, dep habarlaıdy Almaty-akshamy.kz Almaty.tv-ǵa silteme jasap.
Balanyń murnyn tekserý kezinde dárigerler onyń ishinde de magnıt bar ekenin anyqtady. Magnıt murynnyń jaqtaýyn zaqymdaǵan.
«Osydan keıin bala rentgendik zertteýge jiberildi, ol jaqta da asqazanda magnıtterdiń jınalǵany anyqtaldy. Nátıjesinde biz 100-den astam kishkentaı magnıtti shyǵardyq. Qazirgi ýaqytta tekserý jáne emdeý tolyq kólemde júrgizilýde»,– dedi aýrýhananyń hırýrgıalyq blogynyń jetekshisi Rınat Baıgıreev.
Dárigerdiń aıtýynsha, eger bala magnıtti jutyp qoısa, ol óńeshte tirelip qalady nemese asqazanǵa túsedi.
«Eger magnıttiń ótkir, úshkir tustary bolsa, óńeshtiń shyryshty qabaty zaqymdanýy múmkin. Al, bógde zattar asqazanda birneshe kún jatyp qalsa, onyń saldary aýyr bolady. Ol negizinen tabıǵı túrde ózi shyǵady. Eger shyqpaı, asqazanda uzaq ýaqyt bolsa jaǵdaı qıyndaıdy. Olar asqazan-ishek joldarynyń ártúrli bólikterine jabysyp qalady. Tipti peretonıt týyndaýy múmkin», – deıdi maman Nurjanov.
Ótken jyly №2 kóp beıindi qalalyq balalar aýrýhanasyna óńesh, asqazan, asqazan-ishek joldary men qolqaǵa bógde zattar túsip ketken 162 bala kómekke júgingen.
Dárigerlerdiń aıtýynsha, 1-5 jas aralyǵyndaǵy balalar arasynda monshaq, túıme, púlttiń batareıalary sıaqty usaq zattardy jutyp qoıý jıi kezdesedi. Dárigerler tazalap shyǵaratyn basqa zattardyń 17 paıyzy - magnıtter. Dárigerler balalarlyń usaq-túıek zattardy jutyp qoıýy kóbinese olardyń qaraýsyz júrgen kezderinde oryn alatynyn aıtady.