Japonıada Mori JP Tower dep atalatyn tóbesi «kók tiregen» záýlim ǵımarat paıda boldy.
Bıiktigi 325,2 metrlik ǵımarattyń eń basty artyqshylyǵy – zilzalaǵa tózimdi, energıany az tutynady, dep habarlaıdy Almaty-akshamy.kz.
Pelli Clarke & Partners kompanıasynyń sáýletshileri men bilikti mamandary jobasyn syzǵan Mori JP Tower ǵımaraty jasyl jelek jamylǵan Tokıonyń Azabudai Hills kesheninde turǵyzylǵan. 64 qabattan turatyn ǵımaratta turǵyn úılermen qosa, keńse, Aman meımanhanasy, t.b. ornalasqan. 9,0 baldyq kúshi bar jer silkinisi kezinde de ádettegideı jumys isteıdi. Ǵımarattyń qurylymdyq bolat qubyrlary asa myqty betonmen toltyryldy. Osylaısha ǵımarat zilzala kezinde az teńseledi. Munarada 3600 adamǵa arnalǵan ýaqytsha baspana, sondaı-aq, apattan zardap shekkenderge kómek kórsetýge arnalǵan qoıma bar. Elektr energıasy jańǵyrtpaly qýat kózderinen alynady. Máselen, jylý kanalızasıalyq júıeden kelse, jaýyn sýy avtomatty túrde tazartylyp, jasyl jelekti sýǵarýǵa ketedi.