Bul týraly QR TJM seısmologıalyq baqylaý jáne zertteý ulttyq ǵylymı ortalyǵy dırektorynyń orynbasary Nursársen Ózbekov aıtty, dep habarlaıdy Almaty-akshamy.kz.
«Bul máselege qatysty qazirdiń ózinde seısmologtar ázirlegen halyqaralyq shkala bar - MSK-64 shkalasy. Osy shkala boıynsha ǵımarattar men qurylystardyń aıtarlyqtaı 7 baldan bastalady. Sondyqtan Almaty qalasy úshin jerdiń jaǵdaıyn eskere otyryp, 7 baldan joǵary jer dúmpýin qaýipti jáne joıqyn dep sanaýǵa bolady», - dedi Nursársen Ózbekov Almaty qalalyq Tótenshe jaǵdaılar departamentinde ótken brıfıńide.
Seısmologtyń sózinshe, 7 balǵa deıingi jer silkinisi qala úshin qaýipti emes.
«2-3 bal jer silkinisi seziledi. 4-5 bal - ǵımarat sylaqtaryn túsirip, zaqymdaıdy. Bul qaýipti emes. 7 baldan bastap shara qoldaný kerek, barlyq ǵımaratty jer asty dúmpýi áserine qaraı eseptep, daıyndaý kerek», - dedi maman.