3-4 maýsymda elimizdiń seısmıkalyq qaýipti óńirlerinde, Almaty, Shymkent qalalary men Abaı, Jetisý, Almaty, Shyǵys Qazaqstan, Jambyl, Qyzylorda jáne Túrkistan oblystarynda «Jer-2024» Respýblıkalyq komandalyq-shtabtyq oqý-jattyǵýy ótýde.
Oqý-jattyǵýdy úılestirý jónindegi respýblıkalyq shtab Shyǵys Qazaqstan oblysy Óskemen qalasynda ornalasqan, dep habarlaıdy Almaty-akshamy.kz Tótenshe jaǵdaılar mınıstrligine silteme jasap.
3 maýsym saǵat 10:00-de joıqyn jer silkinisine ushyraý múmkindigi bar atalǵan óńirlerde «Barshanyń nazaryna!» sırena-sóıleý qurylǵylaryn iske qosylady. Sondaı-aq adam kóp jınalatyn obektilerde seısmıkalyq jattyǵýlar ótkiziledi.
Oqý-jattyǵý azamattyq qorǵaýdyń memlekettik júıesiniń joıqyn jer silkinisi nátıjesinde týyndaǵan tótenshe jaǵdaıdy joıýǵa daıyndyq deńgeıin arttyrý maqsatynda júrgiziledi.
Atalmysh is-sharaǵa respýblıkalyq, óńirlik azamattyq qorǵaý qyzmetteri jáne jergilikti atqarýshy organdar qatysady, olar joıqyn jer silkinisi jaǵdaıynda is-qımyldardy pysyqtaıdy.
Onyń barysynda avarıalyq-qutqarý jumystary, zardap shekken turǵyndardy shuǵyl qabyldaý pýnktteri, olardy qabyldaý men kómek kórsetýge arnalǵan palatkalyq lagerler men dalalyq medısınalyq aýrýhanalar kórsetiletin bolady.