Erteń, 9 mamyr kúni, Uly Otan soǵysyndaǵy Jeńistiń 80 jyldyǵyna arnalǵan is-sharalar aıasynda Almaty-2 vokzalynyń perronynda saǵat 11:00-den 15:00-ge deıin «Jad poezyn» saltanatty qarsy alý rásimi ótedi, dep habarlaıdy .Aqshamnews.kz «Jad poezy» uıymdastyrýshylaryna silteme jasap.
Bul jaı ǵana poıyz emes – bul bizdi tarıhqa jeteleıtin erekshe alań. Sonaý soǵys jyldaryndaǵy maıdanger batyrlardy qalaı shyǵaryp salyp, qalaı qarsy alǵanyn eske túsirýge múmkindik beredi. Bul shara ardagerlerdi, oqýshylardy, kadetterdi, qoǵam belsendilerin jáne el erligin júreginde saqtaǵan barlyq azamatty biriktiredi.
Qonaqtardy mazmundy konserttik-teatrlandyrylǵan baǵdarlama kútip tur. Onda soǵys jyldarynyń ánderi shyrqalady,
oqýshylar maıdannan kelgen hattardy oqıdy, akterler sol kezdiń shynaıy oqıǵalaryn baıandaıdy.
İs-sharanyń sharyqtaý shegi – sol kezeńniń rýhy men kóńil-kúıin jetkizetin horeografıalyq qoıylym bolmaq.
Sonymen qatar:
• Áskerı atrıbýtıkamen fotoaımaqtar,
• Maıdan hattaryn jazýǵa arnalǵan sheberlik dáristeri,
• Ardagerler men qatysýshylarǵa maıdan dalasyndaǵy botqany taratý uıymdastyrylady.
İs-shara sońynda barlyǵy birigip «Jeńis kúni» ánin oryndaıdy. Bul ótkenge degen taǵzym men birliktiń belgisi.
Barshańyzdy osy mańyzdy ári tebirenterlik is-sharaǵa qatysýǵa shaqyramyz. Kelińizder, beıbitshilik syılaǵan jandarǵa birge alǵys aıtyp, olardyń erligin este saqtaıyq!
Barlyq suraq boıynsha: 8 707 104 05 07 Rýslan.