Maqsat – búdjet qarajatyn únemdeý.
Degenmen, merekege oraı áskerı-patrıottyq is-sharalar ótkizý josparlanǵan, dep habarlaıdy Almaty-akshamy.kz Qorǵanys mınıstrliginiń baspasóz qyzmetine silteme jasap.
QR Qorǵanys mınıstrligi bıyl Jeńis kúnine arnalǵan áskerı paradtyń ne úshin ótkizilmeıtinin túsindirdi.
«2022 jyly Qazaqstanda áskerı sherý ótkizý búdjet qarajatyn únemdeý úshin, sondaı-aq basqa da mindetterdi sheshý qajettigine baılanysty josparlanbaǵan. Atap aıtqanda, Qazaqstan Qarýly Kúshteri bólimsheleriniń jaýyngerlik ázirligi men utqyrlyǵynyń qajetti deńgeıine qoldaý kórsetý, memlekettik jáne áskerı nysandardy kúzetý men qorǵaýdy qamtamasyz etý jónindegi mindetterdi oryndaýǵa basymdyq beriledi», - dep jaýap berdi Qorǵanys mınıstrliginiń baspasóz qyzmeti.
Buǵan deıin Qorǵanys mınıstrligi 2022 jyly Qazaqstan Respýblıkasy Qarýly Kúshteriniń qurylǵanyna 30 jyl tolýyna jáne 1941-1945 jyldardaǵy Uly Otan soǵysyndaǵy Jeńis kúnine arnalǵan áskerı paradtyń ótpeıtinin habarlaǵan edi. Degenmen, merekege oraı áskerı-patrıottyq is-sharalar ótkizý josparlanǵan.