Bul týraly Indýstrıa jáne ınfraqurylymdyq damý mınıstri Qaıyrbek Óskenbaev aıtty.
Kólik alýǵa jeńildetilgen paıyzben nesıe berý baǵdarlamasy aıasynda bankter 75 mlrd teńge somasyndaǵy ótinimderdi maquldady, dep habarlaıdy Almaty-akshamy.kz.
Májilistegi parlamenttik tyńdaýdan keıin tilshiler mınıstrden atalǵan baǵdarlama boıynsha nesıe bólý ne sebepti tejelip qalǵanyn surady.
«Baǵdarlama toqtap turǵan joq. Jalpy 100 mlrd teńge bólinip, sonyń 75 mlrd teńgesine ótinimder maquldandy. Endi taǵy 25 mlrd teńgesi qaldy. Bastapqy kúnderdegi qarqynmen birden 20-30 myń ótinimdi qabyldaı almaıdy. Óıtkeni baǵdarlama aıasynda tek 25 mlrd teńge qaldy. Osy oraıda erteń turǵyndar «nege ótinimderdi qabyldamadyńdar» dep narazylyqtaryn aıtýy múmkin», - dedi Q.Óskenbaev.
Sonymen qatar mınıstrge baǵdarlamaǵa boıynsha avtokólik qanshalyqty jetkilikti bolatyny týraly suraq qoıyldy.
«100 mlrd teńgege nesıege shamamen birden 15-16 myń avtokólik alýǵa bolady. Qazirgi kezde 10 myń kólikke eseptelgen ótinimdi bankter maquldady», - dedi mınıstr.
Budan buryn habarlanǵandaı, Q.Óskenbaev atalǵan baǵdarlama aıasyndaǵy jumystar bir jylmen shektelmeıtinin atap ótti. Osy baǵdarlamany júzege asyrý barasynda qarajat revolverlik tetik arqyly bólindi. Osy ýaqytqa deıin kólik alǵan adamdar nesıesin tóleı bastaǵannan keıin, bul qarajat taǵy da aınalymǵa túsedi.