QR Indýstrıa jáne ınfraqurylymdyq damý mınıstrligi jeńildetilgen avtonesıe baǵdarlamalaryn qaıta bastaýdy josparlap otyr.
Búgingi tańda baǵdarlama boıynsha Hyundai, KIA, JAC, Chevrolet, LADA otandyq qurastyrylǵan kólikterdi satyp alýǵa bolady, dep habarlaıdy Almaty-akshamy.kz Elorda.info-ǵa silteme jasap.
«Halyqtyń otandyq avtokólikterdiń qoljetimdiligin qamtamasyz etý maqsatynda mınıstrlik jeńildetilgen avtokólikti nesıelendirý baǵdarlamasyna qosymsha búdjet qarajatyn bólý máselesin pysyqtaýda. Sondaı-aq, Elbasynyń tapsyrmasy boıynsha halyqqa jeńildetilgen avtonesıe berýdiń jańa baǵdarlamasy ázirlenedi. Qazirgi ýaqytta baǵdarlamany qaıta iske qosýdyń birneshe nusqasy qarastyrylýda. Nusqalardyń biri kóp balaly otbasylardy, quqyq qorǵaý organdary qyzmetkerlerin, dárigerler men muǵalimderdi qoldaýdyń kishi baǵdarlamasyn qosymsha engizý usynylýymen erekshelenedi. Sondaı-aq, «Birinshi otbasylyq avtokólik» shaǵyn baǵdarlamasyn qosý múmkindigi qarastyrylýda», – delingen QR Indýstrıa jáne ınfraqurylymdyq damý mınıstrliginiń habarlamasynda.
Qazaqstanda jeńildetilgen avtonesıe baǵdarlamasy 2015 jyldan beri jumys istep keledi. Ol 20 jylǵa eseptelgen jáne «aınalmaly» nesıeleýge negizdelgen. Jalpy qarjylandyrý lımıti 82 mlrd teńgeni quraıdy. Baǵdarlama júzege asyrylǵaly beri aınalym qarajatyn esepke alǵanda 159 mlrd teńgege 30 525 nesıe berildi. Qazirdiń ózinde 80 myńǵa jýyq adam otandyq avtokólikterdi satyp alǵan.
Mınıstrlik jeńildetilgen avtonesıe baǵdarlamasynyń sharttary qarapaıym ekenin túsindirdi:
- bir kóliktiń quny 15 mıllıon teńgeden aspaıdy;
- nesıe merzimi jeti jyldan aspaıdy;
- túpkilikti qaryz alýshy úshin nomınaldy syıaqy mólsherlemesi jyldyq 4%-dan aspaýy kerek;
- túpkilikti qaryz alýshy ekinshi deńgeıdegi bankterge nesıeni ótegen kezde ótelgen qarajat esebinen otandyq óndirilgen jolaýshylar kólikterin satyp alýshylardy qaıta nesıeleýge jol beriledi.