Maýsymdyq jumystarǵa 3 302 adam tartylýy múmkin.
Qazaqstan Úkimeti ústimizdegi jyly qansha sheteldik azamat jumysqa tartylatynyn aıtty, dep habarlaıdy Almaty-akshamy.kz.
«QR Eńbek jáne halyqty áleýmettik qorǵaý mınıstrligi ishki eńbek naryǵyn qorǵaý maqsatynda jyl saıyn jumys berýshilerdiń qajettilikteri boıynsha Qazaqstanǵa sheteldik jumys kúshin tartýǵa kvota belgileıdi jáne bóledi. 2022 jyly jalpy kvota respýblıkadaǵy jumys kúshiniń sanyna qatysty 0,31% nemese 28,3 myń birlik mólsherinde belgilendi», - delingen mınıstrlik habarlamasynda.
Mamandardyń aıtýynsha, 2022 jyly SHJK tartýǵa kvota mynadaı túrde 4 sanatqa bólindi: birinshi sanat boıynsha 1 243 ruqsat (basshylar jáne olardyń orynbasarlary), ekinshi sanat boıynsha 6 499 ruqsat (qurylymdyq bólimshelerdiń basshylary). Ruqsattardyń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe 13 887 jáne 3 421 birlik. Sondaı-aq maýsymdyq jumystarǵa 3 302 adam tartylýy múmkin.
2021 jyly jergilikti atqarýshy organdar 18,2 myń birlik mólsherinde SHJK tartý úshin jumys berýshilerge ruqsattar berdi jáne uzartty, bul belgilengen kvotanyń 64% - yn (29,3 myń) quraǵanyn esterińizge sala keteıik. 2022 jylǵy 1 qańtardaǵy jaǵdaı boıynsha jergilikti atqarýshy organdardyń ruqsaty boıynsha Qazaqstan aýmaǵynda 14 932 sheteldik azamat eńbek qyzmetin júzege asyrdy.